Міхаіл Русы сустрэўся са студэнтамі Гродзенскага дзяржаўнага аграрнага ўніверсітэта

Прайшла сустрэча студэнтаў Гродзенскага дзяржаўнага аграрнага ўніверсітэта са старшынёй профільнай камісіі Савета Рэспублікі Міхаілам РУСЫМ.

Так, будучыя аграрыі цікавіліся ў старшыні Пастаяннай камісіі па рэгіянальнай палітыцы і мясцовым самакіраванні перспектывамі развіцця сельскай гаспадаркі ў нашай рэспубліцы, пытаннямі маладзёжнай палітыкі, сітуацыяй у краіне і іншымі.

Падчас дыялогу сенатар агучыў сваё бачанне тэматыкі ўдасканалення заканадаўства ў кірунку мэтавай падрыхтоўкі студэнтаў, планамі на будучае, а таксама адказаў на пытанні аўдыторыі, паведамілі ў прэс-службе верхняй палаты парламента.

— Такія сустрэчы будуць працягнуты. Нам важна ведаць, аб чым думае цяперашняе пакаленне, якім яно бачыць будучае Беларусі, — падкрэсліў Міхаіл Русы.

Прэв’ю: yandex.by