Вы тут

Гатуем «На тыдзень» арыгінальна і смачна з «Беларусь 2»


На тэлеканале «Беларусь 2» заўтра стартуе новае кулінарна-забаўляльнае шоу «На тыдзень», якое дакажа, што дастаткова выдзеліць адзін дзень для прыгатавання ежы, каб уся сям'я засталася сытая.


Ні для кога не сакрэт, што людзі імкнуцца ісці ў нагу з часам: хочуць быць стыльныя, здаровыя, займацца самаадукацыяй, а не толькі праводзіць свой час на кухні. Але ж як усё паспець, калі нават штодзённае гатаванне адбірае шмат часу? Стваральнікі праграмы «На тыдзень» пераканаюць аўдыторыю, што гэта вельмі проста. Вядучай шоу стала шэф-повар адной з папулярных сталічных устаноў Ніна Шабан. Яна прадэманструе не толькі прыгатаванне страў рознай ступені цяжкасці, але і падзеліцца прафесійнымі рэкамендацыямі па іх замарозцы для хуткага выкарыстання на працягу ўсяго тыдня.

— Рэцэпты, якія публікуюцца ў кулінарных выданнях ці ў інтэрнэце, часта выкарыстоўваюць даволі фармальны падыход, — кажа вядучая. — Змяшаць усё ў пэўным парадку і ў зададзеных прапорцыях, а потым зварыць, падсмажыць альбо спячы — і гатова. Але, каб гатаваць па-сапраўднаму смачна, важны і творчы падыход, які я і прадэманструю аўдыторыі. Дарэчы, менавіта таму ў праграме будуць сустракацца рэцэпты ўсім знаёмых страў, але ў маёй аўтарскай дапрацоўцы.

Кулінарнае шоу будзе выходзіць на канале па суботах, і прэм'еру чакаем 5 снежня ў 12.20.

Алена ДРАПКО

Фота дадзена Белтэлерадыёкампаніяй

Выбар рэдакцыі

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.

Грамадства

10 прадуктаў-антыдэпрэсантаў, якія абавязкова павінны быць на вашым стале

10 прадуктаў-антыдэпрэсантаў, якія абавязкова павінны быць на вашым стале

Добры настрой — гэта падмурак высокай якасці нашага жыцця.

Грамадства

З акцэнтам на вусны. Правільны макіяж для сталых людзей

З акцэнтам на вусны. Правільны макіяж для сталых людзей

Многія жанчыны лічаць, што макіяж ў сталым узросце рабіць не варта, таму што гэта «дадае гадоў».

Культура

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

 У сценах установы ў межах літаратурна-музычнай імпрэзы прагучалі вершы і песні.