Вы тут

Да стагоддзя БДУ прымеркаваны дакументальны праект «Памяць і слава»


Ён раскажа пра вядомых навукоўцаў і педагогаў універсітэта. Асноўны акцэнт будзе зроблены на месцах іх спачынку. Гэта абумоўлена важнасцю захавання памяці, вяртання забытых імёнаў і перадачы пра іх інфармацыі будучым пакаленням.


З’яўленню фільма папярэднічала маштабная работа па пошуку і добраўпарадкаванні надмагілляў прафесарска-выкладчыцкага саставу і дзеячаў навукі БДУ. На працягу года валанцёры гістарычнага факультэта вызначалі месцы іх пахаванняў на Вайсковых, Маскоўскім і Кальварыйскіх могілках у Мінску. Кожнаму некропалю прысвечана адна з 20-хвілінных серый. У чацвёртым выпуску запланаваны паказ мемарыяльных дошак, устаноўленых у месцах пражывання і працы вядомых навукоўцаў універсітэта.

На дадзены момант даступная трансляцыя першай серыі «Вайсковыя могілкі». Вядучы праекта чацвёртакурснік Юрый Тамковіч знаёміць з 15 цікавымі біяграфіямі прадстаўнікоў навукі, мастацтва, палітыкі, якія працавалі ў розныя гады ў БДУ. Сярод іх гісторык і адзін з заснавальнікаў БДУ Усевалад Ігнатоўскі, рэктар універсітэта ў 1938-1946 гадах Парфен Савіцкі, эканаміст Абрам Лур’е, пісьменнік Якуб Колас, мастак Якаў Кругер, батанік Мікалай Гайдукоў і іншыя. Гледачы ўбачаць унікальныя архіўныя дакументы і фатаграфіі. Сярод іх пасведчанне Усевалада Ігнатоўскага, прафсаюзны білет Абрама Лур’е, ліст студэнта Мікалая Раманоўскага (Кузьма Чорны) і іншыя.

Выпускі дакументальнага фільма будуць размешчаны на афіцыйным канале гістарычнага факультэта ў YouTube.

Ініцыятыва і рэалізацыя ідэі па стварэнні фільма належыць студэнтам і выкладчыкам гэтага факультэта.

Надзея НІКАЛАЕВА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».