Вы тут

Выстава «ЛiТАРАльна» (шрыфт, кампазіцыя, кніга)


Выстава «ЛiТАРАльна» (шрыфт, кампазіцыя, кніга)

28 лістапада ў Музеі беларускага кнігадрукавання (г. Полацк) адкрылася выстава «ЛiТАРАльна» (шрыфт, кампазіцыя, кніга). На ёй прадстаўлены працы студэнтаў кафедры дызайну і моды Віцебскага дзяржаўнага тэхналагічнага ўніверсітэта спецыяльнасці «дызайн камунікатыўны». Гэта шрыфтавыя плакаты, а яшчэ аўтарскія кнігі, брашуры і буклеты. Усе прадметы, як сапраўдныя творы мастацтва, існуюць у адзіным экзэмпляры, а значыць па-свойму ўнікальныя.

Прадстаўленыя ў часовай экспазіцыі музея распрацоўкі з'яўляюцца курсавымі праектамі навучэнцаў па прадмеце «Тыпаграфіка», падчас азнаямлення з якім студэнты набываюць уменні працаваць з тэкстамі і літарамі, далучаюцца да агульнай культуры графічнага дызайну, без якой нельга абысціся ў сучасным інфармацыйным грамадстве.

Запрашаем і вас пазнаёміцца з чароўнай сілай і прыгажосцю літар, паглыбіцца ў эстэтыку і культуру шрыфтоў, а таксама пабачыць інавацыйны падыход будучых дызайнераў да дызайн-вёрсткі і да кніжнага мастацтва наогул.

Кашкур Дзіяна
старшы навуковы супрацоўнік
Музея беларускага кнігадрукавання


Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».