Вы тут

Качанава сустрэлася са студэнтамі журфака БДУ


Старшыня Савета Рэспублікі Наталля Качанава сустрэлася сёння са студэнтамі факультэта журналістыкі Беларускага дзяржаўнага ўніверсітэта, перадае БелТА.


«Рада быць сёння тут, на факультэце журналістыкі, і сустрэцца з вамі — тымі, хто выбраў сваёй будучай прафесіяй менавіта гэту спецыяльнасць», — сказала Наталля Качанава. Паводле яе слоў, закрытых тэм для абмеркавання і размовы няма. «Таму любыя пытанні, якія вас цікавяць, задавайце. Я пастараюся на ўсе з іх адказаць», — адзначыла спікер. Наталля Качанава таксама падкрэсліла, што, як ужо заведзена на такіх сустрэчах, яна гатова застацца пасля завяршэння дыялогу і абмеркаваць нейкія тэмы індывідуальна.

Старшыня Савета Рэспублікі запэўніла: тыя пытанні, на якія яна не зможа адказаць сёння, будуць дэталёва вывучаны і адказ на іх будзе дадзены ў бліжэйшы час.

Спікер акцэнтавала ўвагу на тым, што факультэт журналістыкі штогод выпускае дастатковую колькасць спецыялістаў гэтага профілю. Разам з тым ёсць праблема з забяспечанасцю кадрамі рэгіянальных СМІ. Наталля Качанава прывяла лічбы. Так, са 127 рэгіянальных газет толькі ў 48 працэнтах выпадкаў галоўныя рэдактары маюць профільную адукацыю. Гэта сітуацыя патрабуе аналізу. У сувязі з гэтым узнімалася пытанне замацавання кадраў на месцах не толькі ў журналістыцы, але і ў іншых сферах, абмяркоўвалася ўзаемадзеянне СМІ з дзяржорганамі. Размова атрымалася жывой, адкрытай і рознабаковай.

Факультэт журналістыкі БДУ адкрыты ў 1944 годзе замест Камуністычнага інстытута журналістыкі, які спыніў работу ў 1941 годзе. Сёння ў яго структуру ўваходзяць навучальны цэнтр камунікацыйных тэхналогій і сем кафедраў. Падрыхтоўку больш як 1 тыс. студэнтаў ажыццяўляюць 140 выкладчыкаў, каля 55 працэнтаў з якіх маюць вучоныя ступені кандыдата і доктара навук. Сярод выкладчыкаў — кіраўнікі і вядучыя спецыялісты СМІ, службаў па сувязях з грамадскасцю і аналітычных структур. Практыка студэнтаў журфака праходзіць у вядучых рэспубліканскіх СМІ. Акрамя таго, у красавіку 2019 года быў падпісаны дагавор аб стварэнні філіяла кафедры тэлебачання і радыёвяшчання на базе Белтэлерадыёкампаніі.

Фота БелТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».