Вы тут

Бронзавая галава каня вярнулася ў Пекін


У Дзяржаўным музеі Кітая прайшла цырымонія перадачы бронзавай статуі галавы каня ў пекінскі палацава-паркавы комплекс Юаньмін’юань. Гэтая рэліквія была страчана і знаходзілася за межамі Кітая больш за 100 гадоў. У гэтым годзе культурны помнік быў упершыню прадстаўлены ў парку, перадае «Жэньмінь жыбаа» анлайн».


Бронзавая статуя галавы каня з’яўляецца адным з асноўных элементаў фантана з бронзавымі фігурамі 12 жывёл усходняга календара ў парку Юаньмін’юань. У 1860 годзе войскі брытанскай і французскай кааліцыі ўварваліся ў Пекін, імператарскі парк быў разрабаваны і спалены. 12 бронзавых фігур, у тым ліку і статуя галавы каня, былі выкрадзены і вывезены з Кітая.

Бронзавая галава каня была спраектавана італьянскім майстрам Джузэпэ Кастыльёне, скульптура спалучае ў сабе мастацкія канцэпцыі і стылі Усходу і Захаду. Помнік быў зроблены прыдворнымі майстрамі падчас кіравання імператара дынастыі Цын Цяньлуна. Скульптура дэманструе высокі ўзровень майстэрства і з’яўляецца выдатным творам старажытнага кітайскага мастацтва.

У жніўні 2007 года Дзяржаўны камітэт па ахове культурнай спадчыны КНР атрымаў інфармацыю пра тое, што бронзавая статуя галавы каня з парку Юаньмін’юань будзе прадавацца на аўкцыёне Sotheby’s у Сянгане. Ведамства адразу ж выказала намер спыніць адкрытыя таргі, каб вярнуць рэліквію ў Кітай. Кампанія Sotheby’s у Сянгане прадаставіла актыўную падтрымку.

У верасні кітайскі прадпрымальнік, інвестар і філантроп Хэ Хуншэн ахвяраваў сродкі на выратаванне гэтага згубленага культурнага помніка. Пасля гэтага бронзавая галава коня на працягу доўгага часу выстаўлялася ў Сянгане і Аамэне. Пры падтрымцы Дзяржаўнага камітэта па ахове культурнай спадчыны КНР у лістападзе 2019 года Хэ Хуншэн прыняў рашэнне афіцыйна бязвыплатна перадаць гэтую статую ведамству.

Выбар рэдакцыі

Грамадства

«Пухнацікі» ў горадзе. На вуліцах і ў крамах з'явіўся навагодні антураж

«Пухнацікі» ў горадзе. На вуліцах і ў крамах з'явіўся навагодні антураж

Здаецца, з кожным годам упрыгожваць сталіцу і абласныя цэнтры да Новага года пачынаюць усё раней і раней.

Грамадства

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Намеснік міністра працы і сацыяльнай абароны Марына АРЦЁМЕНКА адзначыла, што дзяржава праводзіць сістэмную палітыку па падтрымцы і рэабілітацыі людзей з інваліднасцю.

Культура

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

Але знаўцы здаўна яго называюць проста рускі — і ўсе разумеюць, пра што гаворка, маючы пры гэтым на ўвазе ўсе заслугі тэатра і тых асоб, якія складалі яго калектыў у розныя гады.