Вы тут

У культурна-дзелавым квартале «К21» Мiнска запрацаваў крыты рынак фермерскiх прадуктаў


У культурна-дзелавым квартале «К21» Мiнска каля станцыi метро «Маладзёжная» запрацаваў крыты рынак фермерскiх прадуктаў. Пакупнiкам прапануюць дамашнiя сыры i вяндлiну, крафтавы хлеб, пiрагi i аўтарскi шакалад ручной работы.


Такiм чынам, дах над галавой атрымаў фермерскi рынак «Усё сваё», ужо вядомы сваiмi кiрмашамi на свежым паветры. Унутры прадстаўлена каля 20 прылаўкаў з дамашняй прадукцыяй, дзе кожны фермер i кулiнар працуе ў сваёй нiшы i не паўтарае асартымент суседняга гандляра.

Прадукцыя прадаецца без гандлёвых надбавак. Вытрыманыя сыры каштуюць ад 27 да 30 рублёў за кiло, а маладыя, накшталт брынзы або «Адыгейскага», аддаюць за 20 рублёў. Паўкiло дамашняга тварагу прапануюць за 5 рублёў, у столькi ж ацанiлi i 100 грамаў бастурмы. Сала разыходзiцца па 14 рублёў за кiло, шпiг — па 10, каўбаса (пальцам пханая) — па 28 рублёў. Паўкiло казiнай тушонкi абыдзецца ў 10 рублёў.

Частка прылаўкаў аддадзена пад прысмакi. Шакалад ручной работы каштуе ад 16 рублёў за кiло — нават танней за фабрычны. Побач прадаюць мядовы мус з абляпiхай — па 10 рублёў за слоiк у 250 мл, а таксама крэм-мёд па 8 рублёў за 100 мл.

Рынак будзе збiрацца ў квартале «К21» кожны тыдзень па суботах. Застаць фермераў можна з 11 да 18 гадзiн.

Культурна-дзелавы квартал «К21» размешчаны на вулiцы Кальварыйскай, 21 цераз дарогу ад «Кароны». У савецкi час тут была мэблевая фабрыка, але ў 90-я карпусы прыйшлi ў запусценне. Участак па рынкавай цане выкупiла кампанiя «Белрэканструкцыя». Яна аднавiла пасляваенныя пабудовы, i цяпер ператварае iх у модны квартал з офiсамi, крамамi, рэстаранамi i фудкортам.

Сяргей КУРКАЧ

Прэв’ю: aif.ru

Загаловак у газеце: «Усё сваё» i без гандлёвых надбавак

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.