Вы тут

Колькi можна захоўваць каўбасную нарэзку i адкрытыя бутэлькi з алкаголем?


Колькi «пражывуць» нарэзка з сыру i каўбас ды недапiты каньяк? Якiмi прадуктамi, здавалася б, з доўгiм тэрмiнам захоўвання, на год наперад не запасешся?


На некаторых прадуктах пiшуць тэрмiн прыдатнасцi пасля адкрыцця ўпакоўкi. А тыя, на якiх не пiшуць, значыць, можна захоўваць колькi заўгодна? Гэта не так. Кожны прадукт мае тэрмiн прыдатнасцi —  як да, так i пасля адкрыцця ўпакоўкi. Нават тыя, што некаторыя з нас запасаюць мяшкамi i канiстрамi i захоўваюць адкрытымi —  цукар, мука, крупы, алей, бульба.

Напрыклад, грэчка-ядрыца ў тары можа захоўвацца да 20 месяцаў, а пасля яе адкрыцця —  усяго пяць месяцаў. Тэрмiн прыдатнасцi рассыпной гарбаты, пакуль яна запакаваная, складае ад года да двух, а калi пачак адкрыты, то не больш за месяц.

Цукровы пясок у мяшках захоўваецца да васьмi гадоў, а без —  усяго два. Праўда, пры забеспячэннi правiльных умоў цукар можа захоўвацца амаль вечна. Як i соль, яблычны воцат, белы рыс, сушаныя бабы, кукурузны крухмал i мёд.

А колькi ж можна захоўваць адкрытыя прадукты ў халадзiльнiку? Сыр, каўбасы, сасiскi, рыба, курыца i iм падобныя прадукты адносяцца да скорапсавальных i пасля адкрыцця ўпакоўкi павiнны быць з'едзены на працягу 12 гадзiн. Прычым пры ўмове, што гэты час ежа правядзе менавiта ў халадзiльнiку, а не на плiце або стале. Асаблiва «капрызныя» нарэзкi, якiя ў краме запакавалi ў звычайную плёнку.

Пасля адкрыцця ўпакоўкi сыры могуць захоўвацца ад 72 гадзiн да пяці дзён. Вараныя каўбасы захоўваюцца каля 24 гадзiн, а вэнджаныя каўбасы могуць захоўвацца да трох тыдняў. Селядзец пасля адкрыцця можа захоўвацца да 48 гадзiн, а тарты i пiрожныя ў залежнасцi ад складу крэму —  ад шасцi гадзiн да трох дзён.

Аказваецца, нават маразiлка не так ужо каб надоўга падаўжае тэрмiн ежы. Тыя ж бекон цi малако нельга трымаць у маразiльнай камеры больш за месяц, каўбасу —  больш за два, тлустую рыбу —  больш за тры, а марозiва —  даўжэй за чатыры месяцы.

На алкаголi таксама не пiшуць тэрмiн прыдатнасцi пасля адкрыцця бутэлькi. Можа, хоць бы спiртнога ўсё гэта не датычыцца?

Самелье i аўтар кнiг пра вiно Мадлен Пакет настойвае, што адкрытая бутэлька шампанскага нават у халадзiльнiку не можа захоўвацца больш чым тры днi. А вiно «працягне» максiмум тыдзень. Бо варта толькi яго адкаркаваць —  i стартуе працэс акiслення. I ён не спынiцца, калi закрыць бутэльку коркам. I чым больш у бутэльцы паветра, тым хутчэй вiно псуецца. Больш моцныя напоi таксама далёка не вечныя. Лiкёры, джын, ром, вiскi i разам з iмi i гарэлку пасля адкрыцця бутэлькi заходнiя эксперты настойлiва рэкамендуюць не захоўваць даўжэй за шэсць месяцаў.

Алена КРАВЕЦ

Загаловак у газеце: «Стомленыя» салаты i напоі

Выбар рэдакцыі

Грамадства

Самы паспяховы сезон! З Аўгустоўскага канала сплылі цеплаходы

Самы паспяховы сезон! З Аўгустоўскага канала сплылі цеплаходы

У некаторыя выходныя цеплаход здзяйсняў па канале дванаццаць рэйсаў.

Палітыка

Крызіс на мяжы. Уся аператыўная інфармацыя на нядзелю (абнаўляецца)

Крызіс на мяжы. Уся аператыўная інфармацыя на нядзелю (абнаўляецца)

Аператыўная інфармацыя з беларуска-польскай мяжы.

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. Надыходзіць дастаткова актыўны, напоўнены падзеямі тыдзень.

Палітыка

Крызіс на мяжы. Уся аператыўная інфармацыя на суботу (абнаўляецца)

Крызіс на мяжы. Уся аператыўная інфармацыя на суботу (абнаўляецца)

Аператыўная інфармацыя з беларуска-польскай мяжы.