Вы тут

Сёння пройдзе прэзентацыя рамана «Цар» Уладзіміра Ліпскага


Лаўрэат Дзяржаўнай прэміі Рэспублікі Беларусь, галоўны рэдактар часопіса «Вясёлка», празаік, публіцыст, перакладчык Уладзімір ЛІПСКІ ў апошнія гады працаваў над раманам «Цар», які параўнальна нядаўна і пабачыў свет у выдавецтве «Адукацыя і выхаванне».

Сёння, 9 снежня, а 15-й гадзіне прэзентацыя рамана з удзелам аўтара пройдзе ў Мінску ў Дзяржаўным музеі гісторыі беларускай літаратуры.


— У сваім творы я прапаную свайго роду сенсацыю, — дзеліцца развагамі пра раман Уладзімір Сцяпанавіч. — Мой галоўны герой — Зміцер Кажухоўскі, які ад сваіх прадзедаў носіць красамоўную мянушку Цар, шукае адказы на многія гістарычна важкія пытанні. Хто пакарыў трон Масковіі: сын Івана Грознага Дзмітрый ці Ілжэдзмітрый? Хто папраўдзе Марына Мнішак: яго каханка, царыца Масковіі ці авантурыстка? Чым дамогся Дзмітрый улады: розумам, прыроднай мудрасцю, воляй ці чыёсьці магутнай і мудрай падтрымкай?

У рамане — шлях Марыны Мнішак праз Вялікае княства Літоўскае, якім яна некалі ехала на каранацыю ў Маскву. Вясельны абоз — дзве тысячы падводаў, кібітак і ніяк не меней гасцей. Хто і дзе прымаў іх, хто забяспечваў шыкоўны праезд праз тэрыторыю Вялікага княства Літоўскага? Чаму ў Брагіне, на Беларускім Палессі, людзі беражліва захоўваюць камень-валун у выглядзе сэрца і называюць яго помнікам кахання Марыны і Дзмітрыя? Чаго дамагаліся Леў Сапега і Радзівілы, дапамагаючы Дзімітрыю заняць трон Масковіі?

Раман, відавочна, адрасаваны чытачу разважліваму, з разлікам, што пасля прачытання ён зможа асэнсаваць розныя гістарычныя падзеі з нязвыклага раней ракурсу. Кніга «Цар» выдадзена ў афармленні кніжных графікаў Леаніда Данеліі і Георгія Лойкі. На сустрэчы ў Дзяржаўным музеі гісторыі беларускай літаратуры будзе магчымасць не толькі набыць раман, але і атрымаць аўтограф Уладзіміра Ліпскага.

Кастусь ЛЕШНІЦА

Выбар рэдакцыі

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.

Грамадства

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

Акрамя фотаздымкаў храмаў і руін былых сядзіб, практычна кожны пост Паліны суправаджаецца яркімі біяграфіямі землякоў. 

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі.