Вы тут

Рыхтуецца навагодняя серыя знакамітага мультфільма «Чабурашка. Сакрэт свята»


Кінастудыя «Саюзмультфільм» рыхтуе аматарам Чабурашкі і Кракадзіла Гены падарунак да свят, якім стане навагодняя серыя знакамітага мультфільма «Чабурашка. Сакрэт свята», паведамляюць РІА «Навіны». Галоўных герояў у ім агучаць артысты Анжаліка Варум і Леанід Ярмольнік. Дакладная дата прэм'еры пакуль невядомая, але стваральнікі абяцаюць, што адбудзецца яна ў снежні.


Кароткаметражны мультфільм працягласцю шэсць хвілін будзе выкананы ў тэхніцы 3D. Песню для новай серыі напісаў спявак і кампазітар Леанід Агуцін. Як адзначылі на кінастудыі, «гэта будзе вельмі цёплы і ўтульны мультфільм аб шчырым сяброўстве і аб тым, як проста стварыць сабе сапраўдны цуд. Простая, лёгкая — гэтая кароткаметражная карціна дасць адчуванне свята як дзецям, так і іх бацькам». А выканаўца аднаго з галоўных герояў Леанід Ярмольнік падзяліўся, што яму было вельмі цікава і лёгка працаваць над вобразам: «Я веру і спадзяюся, што наступіла адраджэнне легендарнага «Саюзмультфільма». Таму адразу пагадзіўся і з задавальненнем агучыў любімага героя. Ужывацца ў ролю было нескладана, а як атрымалася — гэта ўжо судзіць гледачам».

Нагадаем, лялечны мультыплікацыйны фільм «Чабурашка» выйшаў на экраны ў 1971 годзе, але і да сёння застаецца адным з самых любімых у аўдыторыі як дзяцей, так і дарослых. Таксама раней агучвалі інфармацыю, што вядзецца работа над поўнаметражнай сямейнай камедыяй пад чарнавой назвай «Чабурашка», у якім плануюць паказаць вобраз любімага многімі пакаленнямі персанажа ў сучасным свеце. А нам пакуль застаецца чакаць абедзвюх прэм'ер.

Алена ДРАПКО

Загаловак у газеце: Чабурашка загаворыць голасам Варум

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Рэктар БДМУ Рубніковіч: Набор на бюджэтную форму сёлета павялічым

Рэктар БДМУ Рубніковіч: Набор на бюджэтную форму сёлета павялічым

Вялікае інтэрв'ю з рэктарам БДМУ да 100-гадовага юбілею ўніверсітэта.

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.