КАЛЮЧЫК Пачытайце дзецям Уладзімір СІЎЧЫКАЎ. СТАРАННАЯ КУХАРКА

СТАРАННАЯ КУХАРКА

Вучыла матуля Анэлю:
— Як будзеш варыць нам пельмені,
Дык кідай у кіпень паволі,
Найлепш па адным, і не болей,
Каб не пазліпаліся раптам.
Пасля павячэраем з таткам…
Матуля дадому прыйшла,
Дачушку на кухні знайшла:
— Гатую я, мама, ахвотна.
Ды доўгая гэта работа…
Стаю над каструляй заўзята,
Пельмень нам даварваю… пяты!

Уладзімір СІЎЧЫКАЎ,
г. Мінск.