КАЛЮЧЫК Пачытайце дзецям Алена РАЗУМОЎСКАЯ. ЗАГАДКІ ПРА ЖЫВЁЛ

Поўсць яе блішчыць прыгожа,
Ловіць мышак асцярожна.
Курку любіць з’есці,
След хвастом замесці.

(Ліса.)

* * * 

Надзвычай небяспечны звер,
Заўжды галодны ён, павер.
Баяцца каля рэчкі
Драпежніка авечкі.

(Воўк.)

* * *
Стаіць хатка на вадзе.
Гаспадар, скажыце, дзе?
Вунь плаціну ён будуе,
Дрэвы зубкамі пілуе.

(Бабёр.)

Алена РАЗУМОЎСКАЯ,
г. Салігорск.