Вы тут

ВЯСЁЛАЯ ПОШТА Віктар САБАЛЕЎСКІ. СВІННЯ І ГАСПАДАР


 

Байка

Жыла-была адна Свіння.
Вядома свінская радня —
У брудзе любяць пакачацца,
Ад сонца ці ад мух схавацца...
І нашая Свіння ахвотна
Ляжыць у лужы, што пад плотам.
Выходзіць нехаця раз-пораз,
Пачуўшы Гаспадыні голас,
Ідзе паволі да карыта,
Па вушы граззю ўся абліта.
— Не ганьбі ты наш двор, сястрыца!
Ад бруду можна і памыцца! —
Аднойчы Гуска не стрывала.
Яе Авечка падтрымала:
— Без лужы цяжка абысціся?
У цень ад спёкі ты кладзіся…
Гвалт паднялі за ёю Куры:
— Свіння забыла пра культуру!
Бычок на прывязі зароў:
— Ды што там цацкацца з такою?!
Быць хоча бруднаю Свіннёю —
Шукае іншых хай сяброў!

Свіння зарохкала:
— Даруйце!
Больш я не буду — пашкадуйце!
Такі падняўся гармідар…
На ганак выйшаў Гаспадар.
— Што раскрычаліся? Ну, ціха!
Свіння не мыецца? Вось ліха!
Пра гэты грэх яе я знаю.
Ну з кім, скажыце, не бывае?!
Тут Куры апусцілі вочы,
І Бык да спрэчкі неахвочы…
Шчанюк жа Гусаку шапнуў:
— Ты, даражэнькі, мо не чуў —
Наш Гаспадар раз выпіў дужа,
Дадому прыцемкам вяртаўся
І, бачыў сам, дальбог купаўся
Ён са Свіннёй у адной лужы…
_________________

 

Хапае гэткіх свінчукоў
У кабінетах устаноў,
Бо іх трымаюць да пары
Хаўруснікі-гаспадары.

 

г. Узда.

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Рэктар БДМУ Рубніковіч: Набор на бюджэтную форму сёлета павялічым

Рэктар БДМУ Рубніковіч: Набор на бюджэтную форму сёлета павялічым

Вялікае інтэрв'ю з рэктарам БДМУ да 100-гадовага юбілею ўніверсітэта.

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.