12 снежня Туркменістан адзначае Дзень нейтралітэта. У гэты святочны дзень (пачатак яго — у 1995 годзе, калі 12 снежня была прынята адпаведная Рэзалюцыя Генеральнай Асамблеі ААН: «...статус пастаяннага нейтралітэта Туркменістана будзе садзейнічаць умацаванню міра і бяспекі ў рэгіёне») па ўсёй краіне праходзяць масавыя народныя гулянні, святочныя канцэрты. А ў сталіцы — Ашхабадзе — ладзяцца міжнародныя навукова-практычныя канферэнцыі.
Беларусь і Туркменістан у апошнія гады выбудавалі трывалыя літаратурныя, гуманітарныя сувязі. Не аднойчы на старонках перыядычных літаратурна-мастацкіх выданняў у постсавецкі час друкаваліся творы класікаў і сучаснікаў. Найперш — у газеце «Літаратура і мастацтва», часопісах «Маладосць», «Бярозка». Беларускі чытач адкрыў для сябе творчасць Керыма Курбанняпесава, Бердыназара Худайназарава, Камека Куліева, Газель Шакуліевай, Анамухамеда Кіршэна, Максата Бяшымава, Атамурада Атабаева, Бягуль Анабаевай, Джумагельды Мулкіева, іншых паэтаў, празаікаў. Асобнымі выданнямі, пачынаючы з 1991 года, у Мінску па-беларуску выйшлі кнігі Гурбангулы Бердымухамедава, Сапармурада Ніязава, Агагельды Аланазарава, Касыма Нурбадва, Махтумкулі.
Зараз у Выдавецкім доме «Звязда» рыхтуецца да выдання анталогія сучаснага туркменскага апавядання. Усе гэтыя прыклады паказваюць важкасць літаратурнай дыпламатыі як асобнага, вартаснага складніка ў развіцці міждзяржаўных стасункаў, у спасціжэнні нацыянальнага характару народаў.
Сяргей Шычко
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».