Вы тут

Дзянісаўцы ў Паднябеснай


У Кітаі знайшлі генетычны доказ аб старажытных гамінідах.


Кітайскія навукоўцы значна прасунуліся ў даследаванні дзянісаўцаў, яны адносяцца да адной з вымерлых груп гамінідаў, якія існавалі прыкладна 160 тысяч гадоў таму, перадае «Жэньмінь жыбаа» анлайн».

У карставай пячоры Байшы, размешчанай на паўночным усходзе Цынхай-Тыбецкага нагор’я, падчас археалагічных раскопак навукоўцы выявілі мітахандрыяльныя ДНК-матэрыялы дзянісаўцаў у адкладах, якія засталіся ад эпохі позняга сярэдняга плейстацэну і датуюцца часам 60-100 тысяч гадоў таму.

Дадзенае адкрыццё, здзейсненае па ініцыятыве археалагічнай каманды з кітайскага Ланьчжоўскага ўніверсітэта і з удзелам ВНУ і НДІ Кітая, Германіі, Аўстраліі і ЗША, было апублікавана ў анлайн-версіі часопіса Science. Гэтая знаходка паслужыла доказам існавання дзянісаўцаў на тэрыторыі цяперашняга Цынхай-Тыбецкага нагор’я ў эпоху позняга сярэдняга плейстацэну, паведаміў адзін з членаў археалагічнай каманды Чжан Дунцзюй.

Факт працяглага засялення дзянісаўцами пячоры Байшы дае падставу меркаваць, што яны ў свой час ужо адаптаваліся да жыцця ў высакагорных месцах і, магчыма, перадалі такія якасці сучасным людзям, сцвярджаюць навукоўцы.

Вымерлая група гамінідаў, да якой адносяцца дзянісаўцы, першапачаткова была ідэнтыфікаваная па паслядоўнасці геному, вынятага з фрагмента фалангі, які быў знойдзены ў Дзянісавай пячоры ў Алтайскіх гарах на поўдні Сібіры.

Карставая пячора Байшы размешчана ў воласці Ганьцзя Ганьнань-Тыбецкай аўтаномнай акругі (правінцыя Ганьсу на паўночным захадзе Кітая). Археалагічная каманда Ланьчжоўскага універсітэта афіцыйна пачала да раскопкі на гэтым месцы ў 2018 годзе.

У 2019 года ў Сяхэ знайшлі фрагмент сківіцы дзянісаўца. Гэта была першая такая закамянеласць, выяўленая за межамі Алтайскіх гор. Даследчыкі правялі аналіз старажытнага бялку, каб вызначыць узрост закамянеласці, і прыйшлі да высновы, што ніжняй сківіцы дзянісаўца не менш за 160 тысяч гадоў.

Дадзеная знаходка стала першым доказам, дзякуючы якому палеанталагічныя паняцце аб арэале пражывання старажытных дзянісаўцаў пашырылася ад Сібіры да Цынхай-Тыбецкага нагор’я, а вядомая гісторыя чалавечай дзейнасці на гэтым сугор’і пашырылася з з 40 да 160 тысяч гадоў.

Фота: eadaily.com

Выбар рэдакцыі

Грамадства

Апошняя цыгарэта. Неасцярожнае абыходжанне з агнём пагражае сур'ёзнымі наступствамі

Апошняя цыгарэта. Неасцярожнае абыходжанне з агнём пагражае сур'ёзнымі наступствамі

Летась у краіне адбылося 5958 пажараў, на якіх загінулі 627 чалавек.

Здароўе

Мароз і сэрца: што такое халадовы інфаркт, каму ён пагражае і як яго пазбегнуць?

Мароз і сэрца: што такое халадовы інфаркт, каму ён пагражае і як яго пазбегнуць?

Расказала ўрач-тэрапеўт, загадчык аддзялення прафілактыкі 11-й гарадской паліклінікі Мінска Святлана ЯНУШКА.

Спорт

Алег Шэпель: Сусветны паралiмпiйскi рух многае страцiў ад нашай iзаляцыi

Алег Шэпель: Сусветны паралiмпiйскi рух многае страцiў ад нашай iзаляцыi

Гiсторыя паралiмпiйскага спорту — паказчык развiцця краiны.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​