Вы тут

Як будзе развівацца культурнае жыццё на Віцебшчыне


Міністр культуры Анатоль Маркевіч наведаў Прыдзвінскі край, дзе азнаёміўся з ходам будаўнічых работ на шэрагу аб'ектаў, правёў нараду і прыём грамадзян.


У самым старажытным горадзе краіны Полацку ён азнаёміўся з ходам рэстаўрацыйных работ у Спаса-Праабражэнскім храме знакамітага далёка за межамі Беларусі праваслаўнага Спаса-Ефрасіннеўскага манастыра. Між іншым, гэтую царкву, пабудаваную ў сярэдзіне XІІ стагоддзя, прапануюць унесці ў Спіс сусветнай спадчыны ЮНЕСКА.

Анатоль Маркевіч застаўся задаволены ўбачаным і выказаў упэўненасць, што ўсё неабходнае ў пытаннях рамонту і рэстаўрацыі будзе завершана згодна з планамі — у 2024 годзе. Таксама ён падкрэсліў ювелірную і дасканалую працу спецыялістаў.

А вось вынікі дзейнасці будаўнікоў у віцебскім Нацыянальным акадэмічным драматычным тэатры імя Якуба Коласа нельга ацаніць на «дзесяць балаў». І гэта пры тым, што грошы міністэрствам на рамонт даху вылучаюцца своечасова.

Гэты аб'ект «узяты на аловак»: патрабуе асаблівага кантролю.

У нарадзе ў аблвыканкаме ў рэжыме відэаканферэнцыі бралі ўдзел памочнік Прэзідэнта Рэспублікі Беларусь — інспектар па Віцебскай вобласці Анатоль Ліневіч, намеснік старшыні аблвыканкама Уладзімір Пенін, начальнік упраўлення культуры аблвыканкама Пётр Падгурскі, дырэктары і прадстаўнікі музеяў Віцебска, устаноў культуры, прадстаўнікі кіраўніцтва выканкамаў, аддзелаў культуры.

Кожны мог задаць пытанне.

Вельмі зацікавіла адно з іх. Датычылася яно выхаванцаў дзіцячых школ мастацтваў, якія плануюць звязаць свой прафесійны лёс з творчым захапленнем, каб яны маглі б вучыцца мастацтву ажно да паступлення. А пакуль што на  некалькі гадоў страчваюць «сувязь» з мастацтвам да падачы дакументаў у навучальную ўстанову.

Анатоль Ліневіч прапанаваў разгледзець магчымасць спрасціць працэдуры куплі і выкарыстання нерухомасці, якая ўяўляе гістарычную каштоўнасць. Многіх ініцыятыўных і прадпрымальных проста пужае вялікая колькасць бюракратычных працэдур, калі яны хочуць адкрыць пасля рамонту ў стагадовых будынках гатэль, рэстаран, краму і іншае. Столькі ўсяго трэба ўлічваць пры нават дробным рамонце і плаціць за афармленне папер, што лепш, як мовяць, і не ўвязвацца, — такая логіка ў тых, хто мог бы даць другое жыццё старым дамам.

Нямала ўвагі ўдзялялася падчас відэасувязі кадраваму пытанню. У многіх райвыканкамах павінны зрабіць шмат, каб моладзь пасля адпрацоўкі не з'язджала ў вялікія гарады. Галоўныя праблемы: нізкая зарплата і адсутнасць жылля.

Дарэчы, у пачатку наступнага года, дзякуючы ўвядзенню надбаўкі за спецыфіку працы для работнікаў культурна-асветніцкіх арганізацый, заробак многіх прадстаўнікоў сферы павысіцца.

Міністр таксама правёў прыём грамадзян. У прыватнасці, былі агучаны пытанні магчымасці тэндарных дзяржаўных заказаў мастакам, скульптарам, майстрам дэкаратыўна-прыкладнога мастацтва.

Аляксандр ПУКШАНСКІ

Загаловак у газеце: Рэстаўрацыя, навучанне і маладыя спецыялісты

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.