Вы тут

У Беларусі распрацавалі настольную прававую гульню


Цяпер дзеці, якія маюць інваліднасць, змогуць даведацца аб сваіх правах праз гульню. У яе можна будзе пагуляць у спецыяльных карэкцыйных цэнтрах рэспублікі і дамах-інтэрнатах для інвалідаў.


Дабрачыннае грамадскае аб'яднанне «Свет без межаў» выпусціла настольную гульню «Права маю». Яе мэта — расказаць дзецям на даступнай мове аб правах, якія дадзены ім ад нараджэння. Гульня распрацоўвалася ў рамках праекта «Ведаць, каб дапамагаць», накіраванага на падтрымку дзяцей з інваліднасцю і рэалізацыю іх правоў.

У дзіцячай настольнай гульні прадумана ўсё, каб удзельнікі на прыкладзе простых жыццёвых сітуацый запомнілі і навучыліся карыстацца правамі, якія ёсць у кожнага дзіцяці. Свой ход гулец пачынае з таго, што выцягвае «карту сітуацыі». Задача гульца — вызначыць, якое з правоў парушаецца ў апісанай гісторыі. У выпадку няправільнага адказу на поле выстаўляюцца фігуркі монстраў.

Пры распрацоўцы гульні ўлічваўся крытэрый даступнасці. Яна падыходзіць для дзяцей рознага ўзросту і розных кагнітыўных здольнасцяў. Гульня прадугледжана для дзяцей ад шасці гадоў. Для хлопчыкаў і дзяўчынак, якім больш за шэсць, можна выбраць узроўні з ускладненнямі — без калектыўнага прыняцця рашэнняў, магчымасці адказаць паўторна ў выпадку памылкі, падказак з назвамі правоў. Дзіця з інваліднасцю можа гуляць з падтрымкай дарослага — у такім выпадку памагаты не лічыцца гульцом.

— Гульня стваралася ў першую чаргу для дзяцей з інваліднасцю, якія пражываюць у дамах-інтэрнатах, і спецыялістаў, што працуюць з імі, — сказаў вядучы спецыяліст ДГА «Свет без межаў». — Вельмі важна, каб самі дзеці ведалі, якія ў іх ёсць правы, а спецыялісты дапамаглі і навучылі практычнаму прымяненню гэтых правоў. У дамах-інтэрнатах для дзяцей з асаблівасцямі псіхафізічнага развіцця цяпер знаходзіцца каля 1400 дзяцей і маладых людзей ва ўзросце ад 4 да 35 гадоў. У кожнага дзіцяці, незалежна ад умоў пражывання, ёсць права на паўнавартаснае і шчаслівае дзяцінства, асабістыя правы, гарантаваныя нацыянальным і міжнародным заканадаўствам.

ДГА «Свет без межаў» перадалі настольныя гульні ў дзевяць дамоў-інтэрнатаў для дзяцей-інвалідаў з асаблівасцямі псіхафізічнага развіцця. Таксама гульня даступная для карыстання ва ўсіх карэкцыйна-раз-віццёвых цэнтрах краіны.

Цэнтры карэкцыйна-развіццёвага навучання і рэабілітацыі функцыянуюць ва ўсіх абласных і раённых гарадах Беларусі як установы спецыяльнай адукацыі для дзяцей з асаблівымі адукацыйнымі патрэбамі.

Наталля ТАЛІВІНСКАЯ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Гэты тыдзень вельмі ўдалы ў плане кар'еры і любові. Могуць паступіць прыемныя дзелавыя прапановы. Калі вы сканцэнтраваныя і ўважлівыя, то забяспечаны поспех, прычым такі, на які нават не разлічвалі. Цяпер час выканання жадання, вырашэння праблемы, якая хвалюе даўно. Да канца тыдня прыйдзе адчуванне радасці, спакою і гармоніі.

Грамадства

Як нармалізаваць артэрыяльны ціск?

Як нармалізаваць артэрыяльны ціск?

Сёння ў кожнага пятага дарослага чалавека ў свеце дыягнастуецца павышаны крывяны ціск.