Вы тут

Глядзім «Паўлінку» ў тэлеэфіры


На наступным тыдні тэлеканал «Беларусь 3» прапаноўвае гледачам музычную камедыю «Пасля кірмашу», якую ў свой час знялі па матывах п'есы Янкі Купалы «Паўлінка».


Твор быў напісаны ў 1913 годзе, а вось кінаверсію зрабілі на «Беларусьфільме» ў 1972 годзе, хоць існуе яшчэ аднайменная кінастужка 1952 года. Рэжысёрам «Пасля кірмашу» з'яўляецца Юрый Цвяткоў, а сцэнарыстам выступіў Андрэй Макаёнак. Ён, дарэчы, дапамагаў і актрысе Людміле Сенчынай (выканаўцы галоўнай ролі Паўлінкі) адточваць беларускае маўленне падчас здымак. І гэта, можна лічыць, была першая яе галоўная роля на экране. Хоць раней артыстка знялася ў дзіцячай камедыі «Чароўная сіла» і карціне «Шальменка-дзяншчык». Калегамі актрысы па здымачнай пляцоўцы сталі ў камедыі «Пасля кірмашу» таксама акцёры Іван Гаўрылюк, Барыс Новікаў, Галіна Макарава і многія іншыя. Здымкі праходзілі ў вёсцы Слабодка Браслаўскага раёна.

Нагадаем, паводле сюжэту п'есы, дачка Сцяпана Крыніцкага Паўлінка пакахала вясковага настаўніка Якіма. Але бацька плануе выдаць яе замуж за шляхціца Быкоўскага. Пасля таго як дзяўчына выказвае сваю незадаволенасць бацькоўскім рашэннем, каханы прапаноўвае ёй збегчы. Аднак усё аказваецца не так проста...

Працяг і завяршэнне гэтай класічнай гісторыі глядзіце ў суботу, 26 снежня, у эфіры сацыякультурнага тэлеканала.

Алена ДРАПКО

Выбар рэдакцыі

Палітыка

У адказе за гістарычную памяць

У адказе за гістарычную памяць

«Мы толькі цяпер пачынаем усведамляць і падыходзіць да ацэнкі рэальных маштабаў гібелі нашых людзей ад рук фашыстаў і іх памагатых у гады вайны».

Грамадства

Як музей у Вайцяшыне бібліятэку ад закрыцця выратаваў

Як музей у Вайцяшыне бібліятэку ад закрыцця выратаваў

Бібліятэк, што функцыянуюць не ў цэнтральных сядзібах, не ў аграгарадках, а ў значна меншых населеных пунктах, ужо амаль не засталося.

Грамадства

У зоне рызыкі. Як пажылым людзям засцерагчыся ад СOVІD-19

У зоне рызыкі. Як пажылым людзям засцерагчыся ад СOVІD-19

Найлепшым спосабам прафілактыкі з'яўляецца прышчэпка ад COVІD-19.