Вы тут

Паменее кветак у вечным садзе жывапісу: памерла мастачка Святлана Каткова


Сёння, 20 снежня 2020 года, пайшла з жыцця мастачка Святлана КАТКОВА. Развітанне з ёю пройдзе 21 снежня.

Яна, хаця і адзначаная высокай для мастакоў узнагародай – Дзяржаўнай прэміяй Рэспублікі Беларусь, не часта выстаўлялася са сваімі працамі. Але ж усе, хто любіць і ведае сучасны беларускі жывапіс, добра ўяўляюць перад вачыма яе каларыстыку, падгледжаныя ёю жыццёвыя кампазіцыі, адкрытыя ёй сюжэты. Яна імкнулася і на навакольнае жыццё глядзець адкрыта, шырока, і перадаваць гэта жыццё, прыроду шчыра, захоплена. Ад кожнай з яе прац ішло святло, вялікае святло сапраўднага мастацтва і сапраўднага жыцця, без чаго любы твор не можа стаць з’явай.


Крытыкі, мастацтвазнаўцы пісалі пра яе — дачку славутага настаўніка мастакоў розных пакаленняў, педагога ад Бога Сяргея Каткова не дужа і шмат. Правільней сказаць, што пісалі зусім мала. Самой Святлане Сяргееўне, расказваюць, падабалася, як пісаў пра яе Платон Паўлаў: «…З самага пачатку яна зразумела, што мастак не павінен увасабляць рэальнасць у формах самой рэальнасці, што мастацкія формы, у любым выпадку, мусяць быць умоўнымі, і што кожны творца выкарыстоўвае сваю ўмоўную вобразную мову. Умоўнасць жывапіснай мовы ў працах Катковай з’яўляецца відовішчнай, дэкаратыўнай, у ёй пераважаюць чыстыя колеравыя тоны і, па сутнасці, адсутнічаюць валёры»; «… натура, успрынятая не толькі фізічным зрокам, але й душой, сэрцам, ператвараецца ў дэкаратыўную сістэму мастацкага вобраза. У выніку жывапіс Катковай набывае яркую выразнасць».

Так, бацька Святланы Катковай — педагог, мастак Сяргей Каткоў. Дачка — вядомая мастачка Зоя Луцэвіч. Сям’я шчырых, апантаных жывапісцаў!..Сям’я, якая займае сваё месца ў гісторыі сучаснага беларускага жывапісу, у гісторыі беларускай культуры XX стагоддзя. Некалькі гадоў назад у Выдавецкім доме «Звязда» выйшаў альбом, прысвечаны Сяргею Каткову. Яго яшчэ і зараз можна знайсці ў айчынных кнігарнях. Будзем спадзявацца, што надыдзе час, калі якое з чуйных да беларускага выяўленчага мастацтва выдавецтваў зробіць і выдасць агульны альбом, дзе будуць разам прадстаўленыя рэпрадукцыі прац Сяргея Каткова, яго дачкі Святланы Катковай і ўнучкі Зоі Луцэвіч.

Максім ВЕЯНІС

Фота: Facebook / Піт Паўлаў

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.