Хібнасць — менш секунды за 2,4 млрд гадоў

Кітайскія навукоўцы стварылі пераносны аптычны гадзінннік, хібнасць якога складае менш секунды за за 2,4 млрд гадоў. Пра гэта паведамілі ў Акадэміі навукова-тэхналагічных інавацый у галіне дакладных вымярэнняў, якая ўваходзіць у склад Акадэміі навук Кітая, перадае «Жэньмінь жыбаа» анлайн». 

У групы даследчыкаў пад кіраўніцтвам старшага навуковага супрацоўніка акадэміі Гаа Кэліня сышло 10 гадоў на рэалізацыю праекта распрацоўкі пераносных аптычных стандартаў частаты на адзіночных іонах кальцыя (Ca +). Аптычны стандарт частоты — гэта абсталяванне, прызначанае для звышдакладнага вымярэння часу. Калі меркаваць па выніках супастаўляльнага аналізу, праведзенага на двух такіх стандартах, распрацоўка акадэміі забяспечвае дакладнасць перадачы сігналу ў 0,05 мікрасекунд.

Раней такога ўзроўню дасягалі толькі аптычныя стандарты частаты на адзіночных іонах ітэрбія, распрацаваныя Федэральным фізіка-тэхнічным інстытутам з Германіі. Многія краіны свету прэтэндуюць на лідарства ў галіне звышдакладных вымярэнняў часу, якія маюць вялікае значэнне для падтрымання навукова-тэхнічных інавацый і эканамічнага будаўніцтва. Пры гэтым для практычнага прымянення адпаведных тэхналогій у першую чаргу неабходна прыстасаваць аптычныя стандарты частаты для пераноскі, нагадалі навукоўцы.

Вынікі даследаванняў кітайскіх фізікаў былі апублікаваныя ў навуковых часопісах National Science Review і Physical Review A.

Прэв’ю: trud.ru