Вы тут

Мікалай Шарснёў падчас прамой тэлефоннай лініі за тры гадзіны выслухаў дваццаць чалавек


Кранула просьба жыхаркі абласнога цэнтра дапамагчы прайсці рэнтген-даследаванне, якое неабходна з-за бясплоднасці. З кастрычніка яна ў чарзе. Але з-за пандэміі гараджанка атрымаць медыцынскую паслугу пакуль не можа. Старшыня аблвыканкама адразу даручыў кіраўніку галоўнага ўпраўлення па ахове здароўя, які прысутнічаў у кабінеце, зрабіць выключэнне. Калі спатрэбіцца, жанчыне могуць прапанаваць неабходнае нават у Мінску. Трэба падтрымаць жанчыну, якая вельмі хоча стаць мамай!


Пасля званка (таксама з Віцебска) наконт жыллёва-камунальнай праблемы губернатар патрабаваў правесці службовае расследаванне. Мужчына з дома на вуліцы Воінаў-інтэрнацыяналістаў паведаміў, што тры тыдні з-за прарыву сістэмы каналізацыі ў пад'ездзе адчуваецца непрыемны пах.

А палачанка распавяла пра кватэру, якая ўжо больш за два месяцы таму пацярпела з-за цечы даху. Жыллё з-за ападкаў залівае, а камунальнікі не спяшаюцца выправіць становішча. У іх свой погляд на праблему: каб адрамантаваць каля 35 квадратных метраў даху, неабходна правесці тэндар. Але ж па-чалавечы: хацелі б яны столькі чакаць і назіраць, як жыллё прыходзіць у непрыдатнасць?

З Оршы з аднаго дома выйшлі на сувязь з губернатарам двое жыхароў. Абодва паскардзіліся, што ў новым «разумным доме» холадна ў кватэрах. І вада не гарачая, а «цёпленькая». У райвыканкаме ў курсе праблемы, там паабяцалі зрабіць усё, каб выправіць недахопы.

А дзякуючы званку жыхара пасёлка Светлы Віцебскага раёна будзе прааналізавана актуальная для ўсёй краіны тэма: магчымасці пераводу шматкватэрнага жылля на электрычнае ацяпленне. Мужчына расказаў, што мае печку. Ён спытаў: ці магчыма зрабіць падагрэў электрычным? Для гэтага неабходны новы «ўводны» кабель на ўвесь дом, у якім восем кватэр. Зразумела, аднаму аплаціць усё не па кішэні. Ды і не ўсе суседзі за перамены. Пакуль губернатар высвятляў нюансы, спецыялісты растлумачылі: на Віцебшчыне ў найбліжэйшай перспектыве запланавана перавесці на электрычнае забеспячэнне 23 дамы... Беларуская АЭС і была пабудавана, каб панізіць выдаткі пры выпрацоўцы электраэнергіі, якую трэба актыўна выкарыстоўваць. І такія грамадзянскія ініцыятывы толькі вітаюцца.

Жыхарка вёскі Цітова Лёзненскага раёна не скардзілася на бюракратызм і няўважлівасць да яе асабіста і насельніцтва ў цэлым, наадварот, папрасіла неяк адзначыць прадстаўнікоў мясцовай прадстаўнічай улады. У прыватнасці, шмат цёплых слоў выказала ў адрас старшыні Лёзненскага раённага Савета дэпутатаў Тамары Дрылёнак. Яна, як падкрэсліла заяўніца, вельмі працавітая, тактычная і праяўляе цярпенне ў адносінах з землякамі. Губернатар паабяцаў, што, канешне, будзе прынятае адпаведнае арганізацыйнае рашэнне.

Падводзячы вынікі размовы, Мікалай Шарснёў канстатаваў: у адрозненне ад многіх папярэдніх прамых ліній, пытанні прагучалі актуальныя. Па-ранейшаму праблема, якая найчасцей агучваецца, — дзейнасць ЖКГ. Паабяцаў больш грунтоўна ўзяцца за выпраўленне недахопаў гэтай галіны. Туды на кіраўнічыя пасады трэба прызначаць нераўнадушных, прыстойных, разумных — тых, хто стараецца індывідуальна падыйсці да разгляду скаргі, выказаўся губернатар. І яны павінны падабраць каманду такіх жа адказных прафесіяналаў.

Па традыцыі некаторыя сігналы будуць на асабістым кантролі губернатара.

Аляксандр ПУКШАНСКІ

Прэв’ю: novostipmr.com

Загаловак у газеце: Ініцыятывы — вітаюцца

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.