Вы тут

Ад эфектыўнай работы энергетычнага комплексу залежыць эканамічны дабрабыт дзяржавы, якасць жыцця і камфорт грамадзян


Паважаныя калегі, работнікі і ветэраны энергетычнай галіны!

Ад імя Міністэрства энергетыкі Рэспублікі Беларусь і ад сябе асабіста віншую вас з прафесійным святам — Днём энергетыка!


Энергетычны комплекс займае адно з вядучых месцаў у эканоміцы краіны і вызначае развіццё шматлікіх яе галін. Ад яго эфектыўнай работы залежыць эканамічны дабрабыт дзяржавы, якасць жыцця і камфорт нашых грамадзян.

2020 год быў няпростым ва ўмовах эпідэміялагічнай сітуацыі, якая склалася, зніжэння тэмпаў эканамічнага росту ў свеце, аслаблення гандлёва-эканамічных сувязяў паміж краінамі. Аднак арганізацыі галіны падышлі да яго завяршэння з дастойнымі вынікамі, паспяхова справіліся з галоўнай задачай — па надзейным, бесперабойным энергазабеспячэнні рэальнага сектара эканомікі і насельніцтва.

Гэты год быў адзначаны рэалізацыяй буйных інвестыцыйных праектаў, найважнейшы з якіх — будаўніцтва Беларускай атамнай электрастанцыі. Першы энергаблок БелАЭС, у адпаведнасці з графікам будаўніцтва, у лістападзе падключаны да аб'яднанай энергасістэмы, пачалася выпрацоўка электраэнергіі. Для нашай краіны падзея — гістарычная. Беларусь увайшла ў сусветны атамны клуб, што стала магчыма дзякуючы прафесійнай і суладнай рабоце вялікай каманды беларускіх і расійскіх спецыялістаў. Наперадзе ў нас яшчэ больш адказны этап — увод першага энергаблока ў прамысловую эксплуатацыю.

Важным вынікам работы галіны сталі таксама праекты па рэканструкцыі вузлавых размеркавальных падстанцый «Беларуская», «Ліда», «Баранавічы», «Полацк», уводзе электракатлoў на ЦЭЦ і буйных кацельнях, будаўніцтве пікава-рэзервовых крыніц на аб'ектах энергазабеспячэння ў рамках інтэграцыі БелАЭС у энергасістэму краіны. Мадэрнізуецца і электрасеткавая інфраструктура: за год пабудавана і рэканструявана больш за 1,6 тысячы кіламетраў ліній электраперадачы.

Эфектыўнае развіццё энергетыкі — заслуга кожнага, хто працуе ў галіне. Прыміце словы шчырай удзячнасці за вашу плённую працу, адданасць справе, самааддачу і высокі прафесіяналізм!

Жадаю ўсім вам і вашым блізкім, паважаныя калегі, моцнага здароўя, шчасця, дабрабыту, аптымізму, новых поспехаў і дасягненняў у прафесійнай дзейнасці на карысць нашай роднай Беларусі!

Віктар Каранкевіч, міністр энергетыкі Рэспублікі Беларусь

Выбар рэдакцыі

Палітыка

Лукашэнка: Мы павінны прыняць дадатковыя меры па абароне інтарэсаў шматдзетных сем’яў

Лукашэнка: Мы павінны прыняць дадатковыя меры па абароне інтарэсаў шматдзетных сем’яў

Пра гэта Прэзідэнт заявіў падчас нарады з кіраўніцтвам Савета міністраў.

Грамадства

Страшнае слова «генацыд»

Страшнае слова «генацыд»

Для тых, хто прысвойвае сабе права быць «выключнымі», гэта рана ці позна становіцца катастрофай у маштабах народа.

Грамадства

Не ўпэўнены — не бяры. Як збіраць, гатаваць і захоўваць дары лесу

Не ўпэўнены — не бяры. Як збіраць, гатаваць і захоўваць дары лесу

Восень — пара «ціхага палявання», калі многія з нас адпраўляюцца ў лес па грыбы.