Вы тут

Мова класікаў — каштоўны скарб


Аб працэсах трансфармацыі ў беларускай мове, яе важнасці ў нашым часе разважалі ў прэс-­цэнтры Дома прэсы 


На нядаўняй прэс-канферэнцыі “Мова беларускіх класікаў і грамадства Web 4.0: узаемадзеянне і трансфармацыя, папулярызацыя ў СМІ” акрэслены надзённыя для грамадства пытанні. Як вядома, праблемам зберажэння й развіцця моўнай разнастайнасці сёння надаецца асаблівае значэнне ва ўсім свеце. Бо прызнана: мова кожнага народа — гэта ўнікальны інструмент для разумення й апісання наваколля, унутранага жыцця чалавека, важны сродак камунікацыі, перадачы ведаў. У анлайн-выступленні дырэктар Інстытута мовазнаўства імя Якуба Коласа НАН Беларусі Ігар Капылоў заўважыў: “Страта нацыянальных моў вядзе не толькі да страты нацыянальнай духоўнай спадчыны і яе пераемнасці, але й да страты сусветнай культурнай разнастайнасці. Мастацкая літаратура адыгрывае выключна важнае значэнне ў развіцці беларускай мовы”. У часе прэс-канферэнцыі закраналася праблема папулярызацыі мовы беларускіх класікаў і неабходнасць яе зберажэння ў нашы дні.

На творах Янкі Купалы, Якуба Коласа, Максіма Багдановіча, Максіма Гарэцкага ды іншых класікаў выхоўвалася не адно пакаленне беларусаў. Але дырэктар Інстытута літаратуразнаўства імя Янкі Купалы НАН Беларусі Іван Саверчанка на прэс-канферэнцыі нагадаў чытачам і пра творчасць сучасных аўтараў. Ён успомніў, напрыклад, пра майстэрства пісьменніка, сцэнарыста й драматурга Георгія Марчука, празаіка й раманіста Віктара Праўдзіна: яго раман “Парыж, Эйфелева вежа і…” расказвае пра сучаснае жыццё. На думку выступоўцы, празаік Віктар Казлоў таксама бліскуча валодае беларускім словам, піша цудоўныя аповесці. А Уладзіміра Саламаху дырэктар Інстытута назваў выдатным стылістам: у кожным яго сказе — своеасаблівыя пластыка й гармонія. Не абышоў Саверчанка ўвагай і творчасць майстра прозы Васіля Шырко, вершы Казіміра Камейшы. На яго думку, мастацкая літаратура сёння — важны чыннік міжнароднага дыялогу і ўзаемаразумення. “Яна закладвае моцны падмурак для яднання й лучнасці розных народаў у адзіную сям’ю”, — адзначыў выступоўца.

У часе прэс-канферэнцыі намесніца Упаўнаважанага па справах рэлігій і нацыянальнасцяў Алена Радчанка назвала пераможцаў Рэспубліканскага конкурсу сярод журналістаў і СМІ на лепшае асвятленне пытанняў міжнацыянальных і міжканфесійных адносін, міжкультурнага дыялогу ў Беларусі, супрацы з суайчыннікамі за мяжой. (Рады адзначыць: адна з грамат уручана й нашай супрацоўніцы, аўтарцы гэтага тэкста. — Рэд.)

Ганна ЛАГУН

Нумар у фармаце PDF

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Рэктар БДМУ Рубніковіч: Набор на бюджэтную форму сёлета павялічым

Рэктар БДМУ Рубніковіч: Набор на бюджэтную форму сёлета павялічым

Вялікае інтэрв'ю з рэктарам БДМУ да 100-гадовага юбілею ўніверсітэта.

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.