Вы тут

У Магілёўскім Палацы грамадзянскіх абрадаў адбыўся традыцыйны кадэцкі баль


Мерапрыемства прайшло ў рамках акцыі «Нашы дзеці». Яго галоўнымі ўдзельнікамі сталі навучэнцы Магілёўскага абласнога кадэцкага вучылішча і выхаванкі студыі эстраднага танца «Эдэльвейс» цэнтра творчасці «Эверэст» і эстраднай тэатра-студыі «Вясёлка» магілёўскага Абласнога цэнтра творчасці, паведамляе сайт Магілёўскага аблвыканкама.


Свята прайшло ў традыцыі старадаўніх баляў XVIII стагоддзя, калі маладыя людзі апрануты ў строгія ваенныя мундзіры, а дзяўчыны ў прыгожыя бальныя сукенкі. Ёлка, танцы, гульні, усмешкі — у залі панавала па-сапраўднаму навагодняя святочная атмасфера. Дзяўчатам можна было смела пазайздросціць. Іх партнёры ўражвалі не толькі сваім парадным адзеннем, але і ваеннай выпраўкай.

Намеснік міністра спорту і турызму Міхаіл ПАРТНОЙ у сваім віншаванні з надыходзячамі святамі падкрэсліў, як важна падтрымліваць сябе ў спартыўнай форме:

«У нашай краіне шмат чаго робіцца для развіцця фізкультуры і спорту, — адзначыў ён. — Гэта выяўляецца ў высокіх выніках на міжнароднай арэне. Спорт — самая эфектыўная дыпламатыя. А ўсё пачынаецца менавіта з развіцця масавага спорту».

Ад Міністэрства спорту і турызму кадэцкае вучылішча атрымала сертыфікат на набыццё спартыўнага інвентара, а ад Беларускай федэрацыі футбола — камплект мячоў. З падарункамі на свята прыйшлі таксама начальнік упраўлення спорту і турызму Магілёўскага аблвыканкама Сяргей Новікаў, намеснік начальніка галоўнага ўпраўлення па адукацыі Магілёўскага аблвыканкама Ірына Кускова, старшыня Савета ветэранаў ОУС і УВ Магілёўскай вобласці Яўген Кавалёнак, начальнік упраўлення прызыву на ваенную службу ваеннага камісарыята Магілёўскай вобласці Максім Касянкоў і іншыя.

Нэлі ЗІГУЛЯ

Фота з сайта mogilev-region.gov.by

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».