Вы тут

Парадак размеркавання ўдасканальваецца


Пастановай Савета Міністраў унесены змяненні ў Палажэнне аб парадку размеркавання, пераразмеркавання, накіравання на працу, наступнага накіравання на працу выпускнікоў, якія атрымалі пасляўніверсітэцкую, вышэйшую, сярэднюю спецыяльную або прафесійна-тэхнічную адукацыю. Адпаведны дакумент апублікаваны на Нацыянальным прававым інтэрнэт-партале.


Сярод новаўвядзенняў варта адзначыць удакладненне катэгорый выпускнікоў, якія маюць першачарговае права выбару месца працы на размеркаванні (у дадзены пералік уключаны выпускнікі, якія прайшлі тэрміновую ваенную службу і службу ў рэзерве), а таксама парадку дзеянняў выпускнікоў, якія атрымалі пасведчанне аб накіраванні на працу і былі прызваныя або добраахвотна паступілі на ваенную службу па кантракце ва Узброеныя Сілы.

Дакументам устанаўліваюцца крытэрыі дасягнення студэнтамі і навучэнцамі высокіх вынікаў у вучобе і высокіх паказчыкаў у грамадскай рабоце і навукова-даследчай дзейнасці; увядзенне абавязку дзяржорганаў і наймальнікаў па прыняцці мер ствараць неабходныя ўмовы для замацавання на рабочых месцах маладых спецыялістаў (рабочых); карэкціроўка норм, якія рэгулююць пытанні прыёму на працу маладых спецыялістаў, залічэння асоб на больш высокі ўзровень адукацыі і іншыя пытанні.

Пастановай таксама прадугледжана карэкціроўка Палажэння аб парадку пакрыцця ў рэспубліканскі і (або) мясцовыя бюджэты сродкаў, выдаткаваных дзяржавай на падрыхтоўку навуковага работніка вышэйшай кваліфікацыі, спецыяліста, рабочага, служачага.

Як паведамілі ў прэс-службе Міністэрства адукацыі, прававым актам удакладняецца парадак добраахвотнага вяртання выдаткаваных дзяржавай на падрыхтоўку сродкаў пры адмове ад працы па размеркаванні, алгарытм дзеянняў у выпадку непрыбыцця выпускніка на месца працы і механізм выдачы даведкі аб самастойным працаўладкаванні асобам, якія не адпрацавалі ўстаноўлены тэрмін, добраахвотна паступілі на ваенную службу па кантракце ва Узброеныя Сілы і звольненым з яе.

Акрамя таго, дакументам устаноўлены адзіны падыход у вызначэнні неадпрацаванага тэрміну, у адпаведнасці з якім выпускнікам разлічваецца
памер сродкаў, што падлягаюць кампенсацыі ў бюджэт.

Пастанова ўступае ў сілу пасля афіцыйнага апублікавання.

Надзея НІКАЛАЕВА

Прэв’ю: aif.by

Выбар рэдакцыі

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.