Вы тут

Дзмітрый Піневіч: Акцыя «Нашы дзеці» — гэта больш, чым проста віншаванні


Акцыя «Нашы дзеці» — гэта больш, чым проста віншаванні, заявіў журналістам міністр аховы здароўя Дзмітрый Піневіч падчас наведвання Рэспубліканскага навукова-практычнага цэнтра «Маці і дзіця», інфармуе БЕЛТА.


«Мы прыйшлі павіншаваць мам, дакрануцца да іх радасці», — сказаў Дзмітрый Піневіч.

Разам з тым, паводле яго слоў, акцыя «Нашы дзеці» з’яўляецца нечым большым, чым проста віншаваннямі. Для сістэмы аховы здароўя гэта таксама падвядзенне вынікаў і вызначэнне напрамкаў дзейнасці, якія дазваляюць удасканаліць службу аховы мацярынства і дзяцінства.

Дзмітрый Піневіч адзначыў, што супрацоўнікі Міністэрства аховы здароўя ў гэтыя дні выязджаюць у розныя ўстановы сістэмы аховы мацярынства і дзяцінства. РНПЦ «Мацi i дзiця» сярод іх займае асаблівае месца, гэта перынатальны цэнтр чацвёртага ўзроўню. У гэтым годзе тут сталі мамамі больш за 3,1 тыс. жанчын.

РНПЦ займаецца і планаваннем цяжарнасці, праводзіць працэдуры ЭКА. Міністр адзначыў, што гэтыя тэхналогіі дазваляюць сем’ям стаць шчаслівымі, таму што шчасце для сям’і — гэта дзеці. «Яны даюцца богам, а мы гэтаму толькі спрыяем», — сказаў ён.

Дырэктар цэнтра Сяргей Васільеў дадаў, што правядзенне акцыі падкрэслівае, што дзеці, дэмаграфічная сітуацыя ў краіне з’яўляюцца прыярытэтам сацыяльнай палітыкі дзяржавы.

Рэспубліканская дабрачынная акцыя «Нашы дзеці» доўжыцца з 10 снежня па 10 студзеня.

У гэты час ва ўсіх рэгіёнах краіны праходзяць навагоднія прадстаўленні. Кіраўнікі рэспубліканскіх органаў дзяржкіравання, мясцовых выканаўчых і распарадчых органаў наведваюць дзіцячыя інтэрнатныя ўстановы і дамы сямейнага тыпу, бальніцы, апякунскія і прыёмныя сем’і, віншуюць дзяцей з Новым годам, Калядамі, уручаюць падарункі, дапамагаюць у вырашэнні існуючых праблем. Да дабрачыннай акцыі далучаюцца грамадскія аб’яднанні і іншыя арганізацыі.

Выбар рэдакцыі

Калейдаскоп

Дзмітрый Рабаў: У ліпені чакаем ідэальнае беларускае лета!

Дзмітрый Рабаў: У ліпені чакаем ідэальнае беларускае лета!

У ліпені, як і належыць экватару года, прагназуецца самы цёплы перыяд сезона.

Грамадства

Чарэшні ад 6.99 р, клубніцы — ад 6.50 р. Карэспандэнт «Звязды» наведала мінскую Камароўку і паспрабавала ягады

Чарэшні ад 6.99 р, клубніцы — ад 6.50 р. Карэспандэнт «Звязды» наведала мінскую Камароўку і паспрабавала ягады

«Казка», «Супер», «Агонь». Карэспандэнт «Звязды» наведала мінскую Камароўку і паспрабавала ягады.

Грамадства

«Вы для нас незаменныя...». Будні работнікаў аддзялення сацдапамогі дома ў Ленінскім раёне Мінска

«Вы для нас незаменныя...». Будні работнікаў аддзялення сацдапамогі дома ў Ленінскім раёне Мінска

Будні работнікаў аддзялення сацыяльнай дапамогі дома ў Ленінскім раёне Мінска.