Янусь МАЛЕЦ
1
Ізноў на пару дзён зіма,
А там — глядзіш — яе няма!
З’ядуць заходнія вятры
На тыдні два, а можа, тры.
З чырвоным носам снегавік
Будзе глядзець на чарнавік
І, аслабелы, разбіраць,
Што ўзнёслае хацеў сказаць.
І зноў пачне гадаць народ,
Ці будзе снежным Новы год?
2
Зіма прапала без прычын
Стаю, гляджу ў акно адзін
На сэрцы ад чагось пагана
«Калі ўжо пойдзеш па смятану?!» —
Гукае жонка нечакана.
На кухні ёй не да зімы,
Глядзець не хоча на дамы
На неба сінь і на дымы,
І ў тым няма яе віны:
Гатуе драныя бліны!
