Вы тут

«Бураціна» — 45!


Музычную казку «Прыгоды Бураціна», якая з'явілася на «Беларусьфільме» ў 1975 годзе, пакажуць у першы дзень новага года на «Беларусь 3». Дарэчы, тэлепрэм'ера яго адбылася 1-2 студзеня 1976 года. Рэжысёр Леанід Нячаеў зняў тады фільм, які спачатку забаранілі, а потым ён стаў культавым для некалькіх пакаленняў дзяцей. І да сёння застаецца ў ліку любімых дзіцяцых кінастужак.


Знялі двухсерыйны музычны фільм «Прыгоды Бураціна» па матывах казкі Аляксея Талстога «Залаты ключык...». Калі згадаць сюжэт, то там гісторыя распавядае пра шарманшчыка Карла, які атрымлівае ў падарунак «жывое» палена і выразае з яго ляльку — Бураціна з доўгім носам. А каб хлопчык навучыўся сябе прыстойна паводзіць, Карла купляе яму азбуку і адпраўляе вучыцца ў школу. Але па дарозе Бураціна трапляе ў лялечны тэатр Карабаса-Барабаса... Аднак той, ведаючы таямніцу, звязаную з намаляваным на палатне ачагом пакоя таты Карла, адпускае свавольніка і нават дае яму пяць залатых, каб Бураціна і тата Карла бераглі ачаг... Таямніца з часам стае вядомай і драўлянаму хлопчыку, але да гэтага яму даводзіцца прайсці праз мноства прыгод і выпрабаванняў. І дабрыня, смеласць і кемлівасць дапамагаюць Бураціна перамагчы жорсткасць і сквапнасць і знайсці адданых сяброў...

Здымкі кінастужкі праходзілі ў Крыме. Сярод акцёраў — Дзмітрый Іосіфаў, Таццяна Працэнка, Мікалай Грынько, Юрый Кацін-Ярцаў, Алена Санаева, Ралан Быкаў і іншыя. Варта адзначыць, што, напрыклад, выканаўцаў ролі Бураціны і Мальвіны знайшлі амаль выпадкова. Дзмітрыя Іосіфава (Бураціна) рэжысёр заўважыў у падземным пераходзе, а з Таццянай Працэнка (Мальвінай) памочнік рэжысёра пазнаёмілася ў цягніку. Па-рознаму склалася і будучыня юных акцёраў, якія сталі пасля гэтага фільма папулярнымі. Напрыклад, Дзмітрый Іосіфаў пайшоў вучыцца на рэжысёра, а вось Раман Сталкарц (П'еро) стаў урачом-педыятрам. Але ж мы, гледачы, заўсёды будзем памятаць акцёраў дзецьмі і згадваць іх па вядомых песнях і цытатах любімых герояў! Не прапусціце «Прыгоды Бураціна» на «Беларусь 3».

Алена ДРАПКО

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.