Алесь Камароўскі (нар. 1947) — беларускі паэт і пісьменнік. Скончыў філфак БДУ. У розныя гады працаваў загадчыкам аддзела Мінскай абласной бібліятэкі імя А. С. Пушкіна, навуковым супрацоўнікам Літаратурнага музея Я. Коласа, загадчыкам аддзела Рэспубліканскага праўлення аматараў кнігі БССР, загадчыкам аддзела часопіса «Маладосць». З 1988 г. сябра Саюза пісьменнікаў СССР. Аўтар паэтычных і празаічных кніг «Пачатак», «Зямля маіх надзей», «Адкрытая тайна», «Заварожаны мяч», «Азбука жыцця» і інш.
Вершы — Алесь КАМАРОЎСКІ, музыка — Яўген КСЯНЕВІЧ
1. Новы год агні расквеціць,
Новы год — надзей выток...
І зямля ў касмічным свеце
Завяршае свой віток.
Кружыць снег свае абновы
І спяшаюцца усе...
Хай жа год чарговы новы
Нам удачы прынясе.
Прыпеў:
Снег ідзе, снег ідзе.
І над намі ён кружыцца...
Каб у гэты новы год
Мы маглі навек здружыцца!
Вышай келіхі ўздымайце:
«З Новым годам, мой народ!»
Сваё шчасце не губляйце
Ў Новы год і да ста год!
2. Мы пакінем за парогам
Боль разлук і боль трывог.
Хай жа нашую дарогу
Бласлаўляе сёння Бог.
Мы сустрэнемся з табою,
З нашым шчасцем маладым.
Возьмем лепшае з сабою,
Што было у годзе тым...
Прыпеў.
Пройгрыш.
Прыпеў.
Канцэрт для дзяцей і моладзі, пластычны спектакль Ягора Дружыніна і «Рок-панарама».