Вы тут

Фельчар патрэбны ў вёсцы, басейн — у горадзе


Прамую лінію з жыхарамі вобласці правёў у мінулую суботу старшыня Брэсцкага аблвыканкама Анатоль ЛІС.


Да губернатара на гэты раз дазваніліся 30 чалавек з Брэста, Баранавіч, Пінска, Бярозаўскага, Баранавіцкага, Маларыцкага, Пружанскага, іншых раёнаў. Пытанні датычыліся добраўпарадкавання, рамонту дарог, медыцынскага абслугоўвання, будаўніцтва новых аб'ектаў.

Жыхары вёскі Варанілавічы Пружанскага раёна паскардзіліся, што з лета не працуе ФАП, малады спецыяліст звольнілася пасля адпрацоўкі размеркавання, а на яе месца нікога не накіравалі. Цяпер да вяскоўцаў прыязджае ўрач па графіку, а ў астатні час трэба ехаць на прыём у паліклініку ў Ружаны. А зараз, падчас пандэміі, людзям неабходна максімальна абмяжоўваць паездкі. З гэтым пагадзіўся кіраўнік вобласці і паабяцаў паспрыяць вырашэнню праблемы.

Як растлумачыла карэспандэнту газеты старшыня Ружанскага сельвыканкама Аксана ЮРКОЎСКАЯ, да яе таксама звярталіся з гэтым пытаннем жыхары вёскі. Камплектацыяй кадраў займаецца галіна аховы здароўя, а яна, як відаць, не прадугледзела сітуацыю і своечасова не знайшла спецыяліста. Але, паводле звестак кіраўніка мясцовай улады, гэтым займаюцца. «Вакансію запаўняюць неабавязкова маладым спецыялістам. Бывае, спецыяліст пераедзе ў нашы мясціны з іншых, бывае, жанчына выходзіць з дэкрэтнага водпуску, ёй неабходная работа... Адлегласць ад Варанілавіч да Ружан — шэсць кіламетраў, і ў іншай эпідсітуацыі адсутнасць фельчара не ўспрымалася б так востра, а цяпер гэта стала сапраўднай праблемай. Але пытанне на кантролі, спадзяёмся, што ў найбліжэйшы час яно вырашыцца», — пераканана старшыня сельскага Савета.

Жыхар Ляхавіч, што пазваніў на прамую лінію, прасіў пабудаваць басейн у іх райцэнтры. Але кіраўнік рэгіёна патлумачыў, што вялікага басейна няма нават у Баранавічах, дзе пражывае 180 тысяч чалавек. Таму будаваць у перспектыве давядзецца найперш у Баранавічах. А ў Ляхавічах, якія размешчаны ў 30 кіламетрах ад вялікага горада, трэба разгледзець будаўніцтва невялікага басейна, напрыклад, у школе альбо дзіцячым садку.

Як заўсёды, ад тэлефонных абанентаў паступалі пытанні па добраўпарадкаванні, рамонце дарог, паляпшэнні якасці пітной вады, іншых надзённых праблемах. А вось жыхар вёскі Дамачава Брэсцкага раёна заклапочаны тым, што пад пагрозу зрыву трапіла навагодняя традыцыя — у вялікім населеным пункце не працуе лазня.

Усе аўтары зваротаў атрымалі тлумачэнні, парады. Па некалькіх найбольш актуальных пытаннях адказным асобам дадзены даручэнні.

Яна СВЕТАВА

Прэв’ю: БелТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.