Вы тут

«Дарыце ўсім любоў і дабрыню». Прэзідэнт паўдзельнічаў у акцыі «Нашы дзеці»


Навагодняе прадстаўленне «Чароўны свет», адным з гледачоў якога стаў Прэзідэнт Беларусі Аляксандр Лукашэнка, прайшло ў Палацы Рэспублікі.


На свята ў беларускую сталіцу запрошаныя 2 370 дзяцей з усіх рэгіёнаў краіны. Большасць з іх — дзеці-сіроты, інваліды, дзеці са шматдзетных і малазабяспечаных сем’яў. Запрашэнне ў Палац рэспублікі атрымалі кадэты, дзеці сілавікоў, якія загінулі ці атрымалі раненні, дзеці, пацярпелыя ад катастрофы на ЧАЭС і школьнікі-пераможцы конкурсаў і алімпіяд, выдатнікі вучобы.

У сваім выступленні Прэзідэнт адзначыў, што сёння для яго адзін з самых любімых і хвалюючых дзён у годзе, таму што гэта дзень сустрэчы з маленькімі беларусамі.

«Хвалюешся таму, што заўсёды кажаш нешта дарослым людзям, а тут — будучыня нашай нацыі, — сказаў Прэзідэнт. — Хвалюешся і таму, што тут кожны год новыя твары, але ўсіх нас аб’ядноўвае адно — мы ўсе чакаем цуда».

Ён нагадаў: з году ў год на дабрачынны спектакль збіраюцца новыя ўдзельнікі, але пастаянным застаецца тое, што хлопцы і дзяўчынкі, запрошаныя ў Палац Рэспублікі — самыя паспяховыя ў вучобе, творчасці ці спорце. Аляксандр Лукашэнка падкрэсліў, што сярод гледачоў тыя дзеці, чыя жыццёвая сітуацыя патрабуе асаблівай увагі.

«Зразумела, што ў гэтай зале толькі маленькая частка дзяцей, выхавацеляў і настаўнікаў, якія жывуць у нашай краіне. Таму сёння час, каб мы разам адправілі прывітанне тым, хто не змог папасці ў гэтую залу па тэхнічных прычынах і пажадаем ім поспехаў у будучым годзе», — дадаў кіраўнік краіны.

Ён выказаў удзячнасць усім, дзякуючы каму навагодняе свята ў Палацы рэспублікі адбылося і тым, хто ў гэтыя дні прымае ўдзел у дабрачыннай акцыі «Нашы дзеці».

«Паважаныя дарослыя, прадпрымальнікі, бізнесмены, проста людзі добрай волі, дазвольце мне ад імя беларускага народу чарговы раз падзякаваць вам за тую дабрыню і цеплыню, якую вы дарыце ў гэтыя пераднавагоднія і навагоднія дні ўсім, хто мае патрэбу. Гэта сапраўды прыклад і паказчык нашай нацыі — добрай, талерантнай і вельмі перспектыўнай», — сказаў кіраўнік краіны.

Ён адзначыў, што не будзе нечага раіць малым беларусам, але скажа пра галоўнае. Кіраўнік краіны звярнуўся да малых з просьбай любіць сваіх родных і блізкіх, берагчы бацькоў, паважаць настаўнікаў і выхавальнікаў.

«Гэта самыя добрыя і цёплыя людзі, што ёсць на зямлі. І памятайце, цудоўны свет, які мы ўбачым сёння на гэтай сцэне, — гэта перад усім любоў і дабрыня. Дарыце ўсім любоў і дабрыню. Калі вы будзеце яе дарыць іншым, у адказ таксама будзеце любімымі і атрымаеце дабрыню», — завяршыў прамову Прэзідэнт.

Марыя ДАДАЛКА

Фота БЕЛТА

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.