Вы тут

Сучасны дзіцячы садок адкрыўся ў Бабруйску


Пажаданым падарункам да Новага года для жыхароў мікрараёна № 7 у Бабруйску стала адкрыццё новага ясляў-сада  №84. Дашкольная ўстанова пабудавана па інвестыцыйнай праграме Магілёўскай вобласці на 2020 год. Садок разлічаны на 240 месцаў, 13 груп, адна з якіх спецыяльная — для дзяцей з цяжкімі парушэннямі мовы.


Прыгожы трохпавярховік з прыбудовай для басейна ўзведзены па праспекце Будаўнікоў, 86. Вакол яго рознакаляровыя альтанкі, арэлі, горкі, спецыяльныя пляцоўкі для гульні і заняткаў спортам, веладарожка — гэтакі міні-гарадок з элементамі бяспекі. Унутры будынка таксама «сонечна» і камфортна, ёсць усё што трэба  для развіцця гарманічнай асобы — залы з сучасным абсталяваннем для заняткаў гімнастыкай, музыкай, спортам. «Фішка» новага садка, якой пакуль, напэўна, няма ў іншых падобных установах — пакой бяспекі жыццядзейнасці, дзе малым будуць прывіваць азы правільных паводзін дома і на вуліцы. Ёсць таксама кабінеты педагога-псіхолага, настаўніка-дэфектолага, метадычны кабінет. Колер, мэбля, абсталяванне, нават малюнкі на сценах — усё прадумана да дробязей.

Знамянальна, што з 240 дзяцей, якія наведваюць садок, 161 — са шматдзетных сем’яў, якіх у гэтым мікрараёне пражывае 415! У якасці падарункаў на наваселле садок атрымаў сертыфікат на спартыўнае абсталяванне ад Магілёўскага аблвыканкама, гульнёвае абсталяванне ад Бабруйскага гарвыканкама, салодкія падарункі ад прадпрыемства «Чырвоны харчавік», цацкі ад бабруйскіх прадпрыемстваў.

Як адзначыў у сваёй прамове старшыня Бабруйскага гарвыканкама Аляксандр Студнеў, дзіцячы садок — гэта аб’ект асабліва значны для маладога мікрараёна, які імкліва развіваецца. І адным садком тут абмяжоўвацца не збіраюцца. Ужо вядзецца будаўніцтва яшчэ аднаго садка на вуліцы Дняпроўскай Флатыліі, які разлічаны  на 240 месцаў. Увод яго ў эксплуатацыю лета наступнага года.Адкрыецца ў гэтым мікрараёне і новая школа. Будаўніцтва яе таксама ўжо вядзецца.

Нэлі ЗІГУЛЯ

Фота bobruisk.by

Выбар рэдакцыі

Грамадства

Экалагічна і эканамічна: як жыць па прынцыпе «Нуль адходаў»?

Экалагічна і эканамічна: як жыць па прынцыпе «Нуль адходаў»?

Гэта прынцыпы, накіраваныя на зніжэнне колькасці смецця і захаванне рэсурсаў планеты.

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Эканоміка

Больш за палову аўтамабільнага рынку планеты стане электрычным ужо праз пяць гадоў

Больш за палову аўтамабільнага рынку планеты стане электрычным ужо праз пяць гадоў

А наша краіна разлічвае, што праз чатыры гады кожная 20 машына будзе электракарам.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.