Вы тут

У Свіслачы здалі ў эксплуатацыю шматпавярховік: ключы атрымалі 37 шматдзетных сем'яў


Сёння, 24 снежня, быў афіцыйна здадзены ў эксплуатацыю сяміпавярховы 56-кватэрны дом, у якім свае ўласныя «квадраты» цяпер маюць 37 шматдзетных сем’яў, астатнія — з ліку тых, хто меў патрэбу ў паляпшэнні жыллёвых умоў.


Як расказаў старшыня Свіслацкага райвыканкама Аляксандр ВЯРСОЦКІ, для будаўніцтва жылля сем’і прыцягвалі крэдытныя рэсурсы агульным коштам каля 3,2 мільёнаў рублёў. Шматдзетныя сем’і будаваліся на ўмовах дзяржпадтрымкі: згодна ўказу №240 сем’ям з трыма дзецьмі гэты крэдыт будзе пагашаны субсідыяй дзяржавы ў памеры 95%, з чатырма — на ўсе 100%. Таксама 16 шматдзетных сямей рэалізавалі сваё права на датэрміновае права выкарыстанне мацярынскага капітала для таго, каб цалкам аплаціць кошт сваіх кватэр.

Суразмоўца таксама дадаў, што наваселле адзначаць і 8 грамадзян, якія атрымаюць кватэры ў якасці сацыяльнага жылля. Некалькі кватэр стануць арэнднымі.

Пабудовай шматпавярховіка займаўся ААТ «Гроднажылбуд», які справіўся з задачай хутка — усяго за паўгода.

<Аляксандр Вярсоцкі падкрэсліў, што заданне па будаўніцтве жылля на 2020 год раёнам выканана, ёсць планы па ўводзе жылля і на наступны год — у прыватнасці, акцэнт у 2021-м зробяць на індывідуальным будаўніцтве. Плануецца распрацоўка праекта сядзібнай забудовы з інжынернымі сеткамі ў раёне вуліцы Гагарына ў райцэнтры.>

Між іншым, рэалізацыя штогадовых планаў па будаўніцтве становіцца сур’ёзным штуршком да скарачэння адпаведнай чаргі. Па словах старшыні Свіслацкага райвыканкама, зараз на ўліку тых, хто мае патрэбу ў паляпшэнні жыллёвых умоў, знаходзіцца 561 чалавек, 82 з іх — са статусам шматдзетных.

Вольга АНУФРЫЕВА

Выбар рэдакцыі

Культура

Любоў Чаркашына: Мой стыль жыцця — не факусіравацца на дрэнным!

Любоў Чаркашына: Мой стыль жыцця — не факусіравацца на дрэнным!

Аб спорце, сакрэтах замужжа, выхаванні дзяцей, прыгажосці і здаровых звычках ў інтэрв’ю. 

Культура

Народны мастак Беларусі Леанід Шчамялёў: чалавек, паранены прыгажосцю

Народны мастак Беларусі Леанід Шчамялёў: чалавек, паранены прыгажосцю

Народны мастак можа быць прыкладам у тым, як ствараць свой лёс.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​