Вы тут

Праект «Памяць сэрца» фінішаваў у Мінску


Рэспубліканскі патрыятычны праект «Памяць сэрца» фінішаваў сёння на плошчы Перамогі ў Мінску, паведамляе БЕЛТА.


У мемарыяльнай зале ў гонар Герояў Савецкага Саюза, якія загінулі пры вызваленні Беларусі, сабраліся навучэнцы і студэнты, прадстаўнікі працоўнай моладзі, органаў улады і грамадскіх аб’яднанняў, каб падвесці вынікі патрыятычнага праекта.

«Мы жывем пад мірным небам, якое нашы дзядулі і бабулі адваёўвалі для будучых пакаленняў цаной свайго жыцця. Захоўваць памяць аб іх гераічным подзвігу — наш святы абавязак, таму асноўнай мэтай арганізацыі цыклу мерапрыемстваў стала жаданне ўвекавечыць памяць пра людзей, якія змагаліся за будучыню краіны. Стараліся прыцягнуць да ўдзелу ў праекце моладзь, каб распавядаць ёй пра ваенныя падзеі. Усе ўдзельнікі засталіся задаволеныя, таму спадзяемся, што ў будучыні рэалізацыя праекта прынясе толькі станоўчыя вынікі», - распавёў першы сакратар Мінскага гарадскога камітэта БРСМ Раман Бандарук.

Разам з удзельнікамі фінальнага патрыятычнага праекта прадстаўнікі органаў улады і грамадскіх аб’яднанняў адкрылі ў мемарыяльным зале віртуальны электронны альбом «Беларусь памятае. Родныя асобы Перамогі», дзе сабраны хранікальна-дакументальныя матэрыялы пра воінаў-вызваліцеляў, партызан-падпольшчыкаў і працаўнікоў тылу.

«Стварэнне віртуальнага альбома працягнем, але з сённяшняга дня матэрыял, які сабралі раней, будзем паказваць у мемарыяльным зале на плошчы Перамогі. Кожны жадаючы зможа азнаёміцца ​​з гістарычнымі фатаграфіямі і біяграфіяй герояў», — адзначыў Раман Бандарук.

Патрыятычны праект «Памяць сэрца» стартаваў у Дзятлаўскім раёне Гродзенскай вобласці 13 снежня. Усяго было праведзена 270 мерапрыемстваў, сярод якіх мітынгі-рэквіемы ў памятных месцах, а таксама цыкл камунікатыўных пляцовак з моладдзю «Дыялог пакаленняў».

Фота і відэа Яна ХВЕДЧЫНА

Выбар рэдакцыі

Грамадства

Распачынаецца сезон атракцыёнаў. Хто і як сочыць за іх станам?

Распачынаецца сезон атракцыёнаў. Хто і як сочыць за іх станам?

У Беларусі адпрацавала 65 % атракцыёнаў (160 штук), а многія працуюць і звыш 30 гадоў.

Эканоміка

Як выбраць кватэру на другасным рынку

Як выбраць кватэру на другасным рынку

За апошнія некалькі месяцаў рынак другаснага жылля прыкметна ажывіўся. 

Грамадства

Каб набываць тавар бяспечна, ці Як абараніць правы спажыўца

Каб набываць тавар бяспечна, ці Як абараніць правы спажыўца

У краіне на 11 % знізілася агульная колькасць зваротаў грамадзян, звязаных з парушэннем правоў спажыўцоў. 

Грамадства

У Беларусі даследуюць вакцыну супраць раку

У Беларусі даследуюць вакцыну супраць раку

Працягваецца навуковае даследаванне ДНК-вакцыны супраць раку ў рамках беларуска-амерыканскага праекта.