Вы тут

Аляксандр Лукашэнка падпісаў указ аб скліканні VI Усебеларускага народнага сходу


Сход плануецца правесці ў перыяд двух працоўных дзён 11–12 лютага 2021 года з заездам іншагародніх удзельнікаў у горад Мінск напярэдадні — 10 лютага. Адкрыццё сходу плануецца 11 лютага ў 11:00.

Агульная колькасць прысутных на сходзе вызначана ў колькасці 2700 чалавек, 2400 з якіх — удзельнікі (дэлегаты) і 300 — запрошаныя.


Рэгіянальнае прадстаўніцтва дэлегатаў складае 310 чалавек ад вобласці і 370 ад горада Мінска. Таксама на сход запрашаецца па 10 чалавек ад кожнай вобласці (усяго 60) і 20 чалавек ад горада Мінска з ліку кіраўнікоў рэгіянальных праваахоўных, ваенных і прыраўнаваных да іх структур.

Акрамя таго, удзельнікамі сходу па законе з’яўляюцца члены Савета Рэспублікі і дэпутаты Палаты прадстаўнікоў Нацыянальнага сходу — 169 чалавек (з улікам 5 вакансій у верхняй палаце).

На сход запрашаюцца таксама прэм’ер-міністр, іншыя члены ўрада, вышэйшыя службовыя асобы, кіраўнікі шэрагу дзяржаўных арганізацый. Сярод іншых запрошаных прадстаўнікі СМІ, экспертных колаў, супрацоўнікі дыпламатычных прадстаўніцтваў у Рэспубліцы Беларусь, прадстаўнікі беларускай дыяспары за мяжой, палітычных партый, рэлігійных і грамадскіх арганізацый.

Дэлегаты ад абласцей і горада Мінска абіраюцца раённымі (гарадскімі) Саветамі дэпутатаў з ліку дэпутатаў мясцовых Саветаў дэпутатаў усіх узроўняў (да 70 працэнтаў агульнай колькасці, для горада Мінска — да 15 працэнтаў), а таксама грамадскімі аб’яднаннямі колькасцю не менш за 100 тысяч членаў (астатняя частка). Абранне дэлегатаў плануецца правесці з 29 снежня 2020 па 6 студзеня 2021 года.

З ліку ўдзельнікаў сходу прапануецца абраць Прэзідыум у колькасці 78 чалавек.

 

Выбар рэдакцыі

Грамадства

Фарбы вайны. Пяць карцін мастакоў-відавочцаў

Фарбы вайны. Пяць карцін мастакоў-відавочцаў

Вайна — адна з тых тэм, якія нікога не пакідаюць абыякавымі. 

Грамадства

7 вершаў, напісаных на франтах Вялікай Айчыннай

7 вершаў, напісаных на франтах Вялікай Айчыннай

«І на кожным кургане, быццам яблыню, песню сваю пасаджу»