Сёння Беларуская чыгунка заключыла кантракт з ТАА «Кітайская кампанія па экспарце і імпарце электраабсталявання» (CUEC) і ТАА «CRRC Датунская электравозабудаўнічая кампанія» на пастаўку 15 грузавых аднасекцыйны электравозаў пераменнага току серыі БКГ2.
Як паведамляе прэс-цэнтр магістралі, у адпаведнасці з кантрактам пастаўка электравозаў на Беларускую чыгунку запланаваная да канца 2023 года. Кошт інвестыцыйнага праекта складае 64,3 мільёнаў еўра. Набыццё грузавых электравозаў будзе ажыццяўляцца з прыцягненнем крэдытных рэсурсаў Эксімбанка (КНР).
Аднасекцыйны электравозы БКГ2 — гэта ўдасканаленая мадэль лакаматываў дадзенай серыі, раней набытых Беларускай чыгункай. Іх асаблівасцю з’яўляецца магчымасць ваджэння не толькі грузавых, але і пасажырскіх цягнікоў.
Беларуская чыгунка ўжо на працягу дзесяці гадоў плённа супрацоўнічае з Кітайскай кампаніяй па экспарту і імпарту электраабсталявання і Датунскай электравозабудаўнічай кампаніяй. За гэты час на БЧ было пастаўлена 30 грузавых электравозаў серыі БКГ1 і БКГ2. Таксама ў цесным супрацоўніцтве з кампаніяй CUEC электрыфікаваны чыгуначныя ўчасткі Гомель — Жлобін — Асіповічы, Маладзечна — Гудагай — дзяржмяжа, працягваюцца работы па электрыфікацыі ўчастка Жлобін — Калінкавічы — Барбароў.
Сяргей РАСОЛЬКА
Прэв’ю: prolokomotiv.ru
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.