У Нацыянальнай бібліятэцы Беларусі днямі прэзентавалі самую вялікую і комплексную працу ў найноўшай гісторыі нашай дзяржавы — выданне «Рэспубліка Беларусь: 25 гадоў стварэння і здзяйснення», якое ўбачыла свет сёлета ў выдавецтве «Беларуская навука». І вялікую ролю ў арганізацыі па падтрыхтоўцы і выпуску кнігі адыграла Нацыянальная акадэмія навук Беларусі.
— Нацыянальная акадэмія навук, наш даўні партнёр, стварыла сапраўдны шэдэўр! Гэта своеасаблівая, багатая і ілюстраваная энцыклапедыя і яна з’яўляецца працягам існуючых навуковых традыцый і той значнай працы, якую зрабіла НАН. І гэта ўсё ў пэўнай ступені датычыцца кожнага жыхара нашай краіны, — сказаў на прэзентацыі генеральны дырэктар Нацыянальнай бібліятэкі Беларусі Раман Матульскі.
Гэтае фундаментальнае і наватарскае выданне адлюстроўвае сучасны погляд на Беларусь і станаўленне нашай суверэннай дзяржавы. Гісторыю нашай краіны ўдалося аб’яднаць у сямі ярка ілюстрыраваных тамах, дзе кожны том адлюстроўвае вынікі умацавання нацыянальнай дзяржаўнасці: інстытуты ўлады і ўпраўленні, правы і свабоды грамадзян, эканамічную мадэль, развіццё прамысловасці, ахову здароўя і адукацыі, фізічную культуру і спорту, архітэктуру і градабудаўніцтва, мову і літаратуру, мастацтва.
У сваім уступным слове старшыня Прэзідыума НАН Беларусі Уладзімір Гусакоў адзначыў вялікі аб’ём праведзенай аўтарамі працы і іх уклад у аналіз працэсу станаўлення сувярэннай Рэспублікі Беларусь. Вялікім даследаваннем займаліся больш за 400 аўтараў, сярод якіх былі і супрацоўнікі Нацыянальнай бібліятэкі. Творчы калектыў арыентаваўся на навукова-папулярны выклад матэрыялу і яго даступнасць для чытачоў розных узростаў.
Усе, хто мае цікавасць і жаданне азнаёміцца з гэтай фундаментальнай даследчай працай, могуць зрабіць гэта ў Музеі кнігі Нацыянальнай бібліятэкі Беларусі.
Алена ДРАПКО
Фота прадастаўлена НББ
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.