Вы тут

Калядны падарунак – з аўтографамі аўтараў


Аўтограф на кнізе заўжды захоўвае пэўную таямніцу. Па-першае, кніга нагадвае пра жывую сувязь з аўтарам. Па-другое, кожны надпіс — гэта памяць, напамін пра акалічнасці, дзе і ў якіх абставінах набыта тое ці іншае выданне.


Вось гэтыя і іншыя акалічнасці, звязаныя з аўтографамі, і ўлічваюць у маркетынгавай палітыцы ў сталічнай кнігарні «Акадэмічная кніга». Менавіта яе гаспадары запрашаюць у свой кніжны дом на Незалежнасці, 72 пакупнікоў, кнігалюбаў і прапануюць кнігі з аўтографамі беларускіх пісьменнікаў, гісторыкаў, вучоных.

— Мы стараемся трымаць у асартыменце амаль усе кнігі беларускіх выдавецтваў, — расказвае дырэктар кнігарні Вольга ГЛУХОЎСКАЯ. — З прыязнасцю і вельмі адказна ставімся літаральна да кожнага чытацкага запыту. Безумоўна, нашы гандлёвыя акцэнты не толькі на мастацкіх кнігах, але і на выданнях асветніцкага, гістарычнага характару. І ў навагоднія святы цэлы шэраг кніг прапаноўваем набыць з аўтографамі. Пагадзіліся падпісаць свае кнігі патэнцыйным пакупнікам паэт Леанід ДРАНЬКО-МАЙСЮК, публіцыстка, вядомая журналістка-міжнародніца Інэса ПЛЕСКАЧЭЎСКАЯ, літаратуразнаўца Язэп ЯНУШКЕВІЧ, драматург і празаік Андрусь ГОРВАТ, журналістка і пісьменніца Людміла РУБЛЕЎСКАЯ, філакартыст Уладзімір ЛІХАДЗЕДАЎ, дзіцячы пісьменнік Ганна ЯНКУТА, ды шмат хто яшчэ з добра вядомых у краіне пісьменнікаў, вучоных. Спадзяюся, што такія выданні нагадаюць пра тое, што кніга з аўтографам — цёплы, адмысловы падарунак блізкім людзям, знаёмым.

Акцыя «Калядны падарунак з аўтографам аўтара» ужо пачалася. У «Акадэмкнізе» мяркуюць, што праект будзе доўжыцца да 10 студзеня.

Сяргей ШЫЧКО

Выбар рэдакцыі

Грамадства

Апошняя цыгарэта. Неасцярожнае абыходжанне з агнём пагражае сур'ёзнымі наступствамі

Апошняя цыгарэта. Неасцярожнае абыходжанне з агнём пагражае сур'ёзнымі наступствамі

Летась у краіне адбылося 5958 пажараў, на якіх загінулі 627 чалавек.

Здароўе

Мароз і сэрца: што такое халадовы інфаркт, каму ён пагражае і як яго пазбегнуць?

Мароз і сэрца: што такое халадовы інфаркт, каму ён пагражае і як яго пазбегнуць?

Расказала ўрач-тэрапеўт, загадчык аддзялення прафілактыкі 11-й гарадской паліклінікі Мінска Святлана ЯНУШКА.

Спорт

Алег Шэпель: Сусветны паралiмпiйскi рух многае страцiў ад нашай iзаляцыi

Алег Шэпель: Сусветны паралiмпiйскi рух многае страцiў ад нашай iзаляцыi

Гiсторыя паралiмпiйскага спорту — паказчык развiцця краiны.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​