Вы тут

Сімвалам наступнага года абраны дамашні як


На гэтую ролю тут было некалькі прэтэндэнтаў, у тым ліку зубр. Выбар на карысць дамашняга яка абумоўлены некалькімі прычынамі. Па-першае, яго афарбоўка. Па сваім знешнім выглядзе Дымок як ніхто іншы адпавядае 2021 году, а гэта год Белага Металічнага Быка. Па-другое, які — парнакапытныя жывёлы з роду сапраўдных быкоў.


У Гродзенскім заапарку стала традыцыяй выбіраць сімвал года. Дымок прыйдзе на змену папярэдняму сімвалу — пацуку па мянушцы Гаечка. Хатні як яшчэ даволі малады — яму няма і пяці гадоў. У заапарк яго прывезлі з Карэліі. Аднак, Дымок ужо паспеў абзавесціся нашчадкам — сёлетнім летам у яго і самкі Жэі нарадзіўся першынец, якога ў заапарку назвалі Жуком. Усё сямейства знаходзіцца ў адным вальеры і аддае перавагу свежаму паветру, хоць для ўсіх парнакапытных у заапарку ўстаноўлены домікі з бярвення.

Дзякуючы тоўстай поўсці я́кі вельмі добра пераносяць нізкія тэмпературы, мароз і холад для іх больш спрыяльныя, чым, напрыклад, гарачае лета. У дзікай прыродзе гэтыя жывёлы здольныя ўзбірацца на высокія вяршыні і нават сярод снегу адшукваць сабе ежу. Дамашнія які — сапраўдныя памочнікі для жыхароў высакагорных раёнаў.

Вось і ў гродзенскага Дымка дружалюбны характар. Тым не менш ён не будзе пакідаць межы вальера, як гэта было з іншымі сімваламі года — парсючком, сабакам і пацуком. Затое ўсе наведвальнікі могуць пачаставаць новага сімвала года і загадаць жаданне. Пачастункі, а гэта ў асноўным агародніна, трэба пакідаць на варце альбо перадаць супрацоўнікам заапарка. Самастойна карміць Дымка забаронена — як, дарэчы, і ўсіх астатніх жывёл.

Трэба сказаць, што нядаўна ў заапарку з'явілася самка лемура з «навагодняй» мянушкай Санта. Яна нарадзілася ў Іспаніі чатыры гады таму, а ў Гродна прыехала з Вільнюса. Дарэчы, яе прыезд доўгі час адкладваўся з-за пандэміі, і вось, нарэшце, гэта падзея адбылася. Санту набылі для пары лемуру Глобусу. Лемуры — жывёлы, якія адносяцца да атрада прыматаў і лічацца аднымі з самых загадкавых істот. У дзікай прыродзе яны жывуць толькі на Мадагаскары.

Маргарыта УШКЕВІЧ

Фота Яна ХВЕДЧЫНА

Загаловак у газеце: Дымок з ганаровым статусам

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.