Заказ выдае «лапа мядзведзя»

На вуліцы Юнкан у Шанхаі адкрылася новая кавярня, якая адразу стала інтэрнэт-сенсацыяй, перадае «Жэньмінь жыбаа» анлайн».

Тут няма ні дзвярэй, ні вокнаў, ні сталоў, ні крэслаў, а ёсць толькі маленькі праём у сцяне. Кліенты могуць зрабіць заказ на смартфоне пасля сканавання кода, які вісіць на сцяне на вуліцы, затым плюшавая «лапа мядзведзя» перадае каву праз праём у сцяне. «Лапа» часта гуляе з кліентамі: то руку пацісне, то пагладзіць, што вельмі забаўляе пакупнікоў.

У гэтай кавярні працуюць барыста і афіцыянт са слабым слыхам, і іх незвычайны сэрвіс сагравае сэрца пакупнікоў. У будучыні гаспадар установы плануе набраць больш людзей з абмежаванымі магчымасцямі і навучаць іх мастацтву барысты.