Вы тут

У Віцебскай вобласці выбралі 310 прадстаўнікоў на VI Усебеларускі народны сход


У Віцебскай вобласці выбралі 310 прадстаўнікоў розных сфер і структур, якія будуць удзельнічаць у VI Усебеларускім народным сходзе, інфармуе БЕЛТА.


Усяго 310 чалавек з Віцебскай вобласці адправяцца на VI Усебеларускі народны сход, якое пройдзе ў Мінску 11-12 лютага. Сярод іх будуць прадстаўнікі прамысловых прадпрыемстваў, сферы жыллёва-камунальнай гаспадаркі, устаноў аховы здароўя, адукацыі і культуры, сродкаў масавай інфармацыі, вайскоўцы. Усе яны вылучаліся ад Саветаў дэпутатаў і грамадскіх аб'яднанняў.

Прэзідыумы раённых і гарадскіх Саветаў дэпутатаў сумесна з раённымі аргкамітэтамі 29-30 снежня сфармавалі спіс кандыдатур, якiя вылучаюцца для ўдзелу ў важным грамадска-палітычным мерапрыемстве. З ліку дэпутатаў мясцовых Саветаў абралі 172 чалавекі.

Да вылучэння ўдзельнікаў і абрання кандыдатур падключыліся грамадскія арганізацыі і аб'яднанні. Для ўдзелу ў VI Усебеларускім народным сходзе ад абласнога аб'яднання прафсаюзаў адправіцца 60 чалавек, абласной арганізацыі "Белая Русь" - 45. Прадстаўнікоў маладзёжнага руху - членаў БРСМ будзе 17 чалавек. Таксама ў ліку кандыдатаў ад Віцебскай вобласці будуць ветэраны (6 чалавек) і прадстаўніцы Беларускага саюза жанчын (10).

Таксама вызначылі рэзервовы склад удзельнікаў. У рэжыме чакання будуць знаходзіцца 57 чалавек, якія змогуць замяніць у выпадку непрадбачаных абставінаў асноўных удзельнікаў.

На VI Усебеларускім народным сходзе будуць вынесены на абмеркаванне асноўныя палажэнні Праграмы сацыяльна-эканамічнага развіцця Беларусі на 2021-2025 гады і напрамкі грамадска-палітычнага развіцця краіны. Усяго ў маштабным форуме будуць удзельнічаць 2,7 тыс. чалавек.

Выбар рэдакцыі

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.

Грамадства

10 прадуктаў-антыдэпрэсантаў, якія абавязкова павінны быць на вашым стале

10 прадуктаў-антыдэпрэсантаў, якія абавязкова павінны быць на вашым стале

Добры настрой — гэта падмурак высокай якасці нашага жыцця.

Грамадства

З акцэнтам на вусны. Правільны макіяж для сталых людзей

З акцэнтам на вусны. Правільны макіяж для сталых людзей

Многія жанчыны лічаць, што макіяж ў сталым узросце рабіць не варта, таму што гэта «дадае гадоў».

Культура

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

 У сценах установы ў межах літаратурна-музычнай імпрэзы прагучалі вершы і песні.