Вы тут

Памерла мастачка Ала Непачаловіч


Беларускае выяўленчае мастацтва хуткасна нясе страты. Сыходзяць адзін за адным лепшыя творцы, якія былі і, гэа відавочна ўжо сёння, застануцца яркімі характэрнымі постацямі ў гісторыі айчыннага жывапісу, графікі, дэкаратыўна-прыкладнога мастацтва... Уладзімір БАСАЛЫГА, Святлана КАТКОВА, Валерый ШКАРУБА... Цяпер вось, на самым пачатку 2021-га, літаральна 1 студзеня, памерла Ала НЕПАЧАЛОВІЧ.


У памяці — многія выстаўкі, зладжаныя з яе ўдзелам, а часам і выключна з яе ініцыятывы. Нектаоры час назад у мінскім Цэнтры сучасных мастацтваў прагучала, сталася падзеяй выстаўка майстроў габелена і керамістаў «Сем + 2». Сем — таму што сабраны былі твораў 7 майстроў габелена: Алы Непачаловіч, Алены Обадавай, Уладзіміра Лісавенкі, Наталлі Сухаверхавай, Вольгі Раднікінай, Марыі Барысенкі і Алены Сяргеевай. Да гэтай грамады яркіх прадстаўнікоў у выразна беларускім накірунку мастацтва далучыліся керамісты Тамара Васюк і Наталля Еўглеўская.

Дарэчы, гэтае вымярэнне «Сем+2» — яшчэ і група ў секцыі мастацкага тэкстылю Беларускага Саюза мастакоў. Ала Непачаловіч, дацэнт кафедры народнага дэкаратыўна-прыкладнога мастацтва Беларускага дзяржаўнага ўніверсітэта культуры і мастацтваў, шмат прыклала сіл, намаганняў, каб такая група сфарміравалася, каб разам паядналіся аднадумцы. «Сем+2» стварылася на базе арт-праектаў «Натхненне», «Каляровая нізка», «Цаца ёсць цаца», іншых мастацкіх выяўленняў... Майстры габелену стараліся шырока паказаць плён свай працы. Імкнуліся выстаўляцца і ў Беларусі, і за яе межамі.

...Летась, у студзені 2020 года, Ала Непачаловіч сумесна з Тамарай Васюк арганізавалі ў мастацкай галерэі «Універсітэт культуры» выстаўку «Адвечная прыгажосць». У прастору вядомай пляцоўкі мастацкіх здабыткаў нашай краіны ўвайшлі са сваімі працамі студэнты Беларускага дзяржаўнага ўніверсітэта культуры і мастацтваў. Іх здабыткі здзяйсняліся ў мастацкіх майстэрнях «Мастацкая кераміка» (кіраўнік — Тамара Васюк) і «Мастацкае ткацтва» (кіраўнік — Ала Непачаловіч). У межах таго праекту арганізатары наладзілі і «круглы стол» «Нашы традыцыі і плынь часу». Вось гэтым і кіравалася ў сваіх мастацкіх перакананнях светлай памяці Ала Іванаўна Непачаловіч: бачыць традыцыю, след у след ісці за народным веравызнаннем, адчуваць час, быць разумным абаронцам народнай традыцыі, высокага народнага святла перад усімі няпростымі выпрабаваннямі.

...Калі стала вядома пра горкую навіну пра смерць майстра габелена, звязаўся з дырэктарам Нацыянальнага гістарычнага музея Рэспублікі Беларусь Паўлам САПОЦЬКАМ. Ён доўгі час працаваў кіраўніком мастацкай галерэі «Універсітэт культуры». І зараз выкладае ў Беларускім дзяржаўным універсітэце культуры і мастацтваў. Вось што сказаў Павел Міхайлавіч: «... Сум і жальба, шкадаванне, што не стала такога энергічнага, такога творчага чалавека, Мастака і Педагога з вялікай літары... Гэта не так часта адбываецца, калі сыходзяцца ў адной асобе адразу дзве гэтыя праявы... Колькі выставак, колькі прэзентацый габелена, мастацкага ткацтва яна магла б яшчэ арганізаваць, правесці!.. Скрушна і самотна!..»

...Адна з прац Алы Іванаўны (гэты габелен мастачка прысвяціла бацьку — ваеннаму лётчыку) называецца «Срэбныя плыні». Зараз майстра сама выпраўляецца з дарогу вечнасці, дзе ёй будзе шырока і вольна, дзе праменьчыкамі будуць ззяць золата і срэбра. І там, у вечным свеце, у Алы Непачаловіч будзе свая плынь...

Максім Веяніс

Выбар рэдакцыі

Культура

Пошук вечнага жыцця

Пошук вечнага жыцця

Шмат разоў, збочыўшы з брэсцкай трасы, праязджаючы ад Міра да Карэліч, царкву на могілках каля вёскі Загор'е выхопліваеш літаральна за лічаныя секунды.

Спорт

Ірына Курачкіна заваявала серабро Алімпійскіх гульняў!

Ірына Курачкіна заваявала серабро Алімпійскіх гульняў!

 У фінале спаборніцтваў па жаночай барацьбе яна ўступіла японцы Рысака Каваі. 

Грамадства

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Па заказе ЗАТ «Другі нацыянальны тэлеканал» — АНТ з 5 па 21 ліпеня Аналітычны цэнтр ЕсооМ з прыцягненнем фонду «Украінская палітыка» правёў

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах.