Гомельшчына зрабіла чарговы ўнёсак у энергабяспеку краіны: у Рагачове адкрыта першая электракацельня. Новы аб’ект павысіць надзейнасць цеплазабеспячэння спажыўцоў райцэнтра, дазволіць захоўваць аптымальны рэжым работы ў гадзіны мінімуму спажывання электраэнергіі.
Да мадэрнізацыі кацельні «Рагачоўская», якая ўваходзіць у склад філіяла «Жлобінскія электрычныя сеткі» РУП «Гомельэнерга», прыступілі крыху больш за год таму. На абноўленым аб’екце ўсталяваны два электракатла напружваннем 10 кілават і магутнасцю па 20 мегават кожны, а таксама дапаможнае абсталяванне, у тым ліку два бакі акумуляцыі цяпла агульным аб’ёмам 3,2 тысячы кубаметраў.
Як адзначае РУП «Гомельэнерга», работа электракатлоў прадугледжана толькі падчас начнога правалу электраспажывання з 23:00 да 06:00 гадзін. Выдаткі цеплавой энергіі ад электракатлоў у начны час будуць назапашвацца ва ўстаноўках акумуляцыі цяпла, з іх жа будзе ажыццяўляцца падача цеплавой энергіі ў дзённы час.
Як падкрэслілі на прадпрыемстве, рэалізацыя праекта дасць магчымасць рэгуляваць мінімальную нагрузку энергасістэмы пасля ўводу Беларускай АЭС за кошт перадачы залішняй электраэнергіі ў начны час на электракатлы. Таксама скароціцца аб’ём спажывання імпартнага прыроднага газу. Пры гэтым праца кацельні на электраэнергіі павысіць надзейнасць цеплазабеспячэння спажыўцоў раённага цэнтра.
Наталля КАПРЫЛЕНКА
Фота РУП «Гомельэнерга»
«Мы толькі цяпер пачынаем усведамляць і падыходзіць да ацэнкі рэальных маштабаў гібелі нашых людзей ад рук фашыстаў і іх памагатых у гады вайны».
Бібліятэк, што функцыянуюць не ў цэнтральных сядзібах, не ў аграгарадках, а ў значна меншых населеных пунктах, ужо амаль не засталося.
Найлепшым спосабам прафілактыкі з'яўляецца прышчэпка ад COVІD-19.
Распавядае Дзмітрый Рабаў.
