У Беларусі з 3 студзеня 2021 года пачала работу нацыянальная паштовая электронная сістэма, паведамляе сайт Міністэрства сувязі і інфарматызацыі.
«Гэта сістэма дае магчымасць перасылаць заказныя і простыя пісьмы ў электроннай форме, ажыццяўляючы бяспеку і канфідэнцыяльнасць перапіскі, — падкрэслілі ў прэс-службе. — Адпраўляць і атрымліваць пісьмы можна ў любы час сутак з мабільнага тэлефона або камп’ютара».
Для выкарыстання сістэмы неабходна стварыць электронную паштовую скрынку і прайсці аўтэнтыфікацыю з выкарыстаннем сертыфікаваных сродкаў выпрацоўкі ЭЛП (электроннага лічбавага подпісу).
Пры паступленні электроннага пісьма прыходзіць паведамленне на пазначаны пры рэгістрацыі нумар тэлефона або e-mail.
Адпраўляць можна дакументы, фатаграфіі, выявы, рахункі, паведамленні, даведкі, выпіскі і інш. Тэкставае паведамленне не павінна перасягаць 30 старонак, у пісьмо можна ўкласці не больш як тры файлы памерам да 10 МБ. Тыпы файлаў укладання: doc, docx, xls, xlsx, pdf.
Кошт простага электроннага пісьма складае Br0,42, заказнога электроннага пісьма — Br1,5.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.