Вы тут

НАН Беларусі назвала ТОП-10 вынікаў навукоўцаў за 2020 год


Згодна з рашэннем Бюро Прэзідыума Нацыянальнай акадэміі навук Беларусі, пераможцамі прызнаныя:


1.Калектыў навукоўцаў Інстытута фізікі НАН Беларусі за ўстанаўленне механізму дзеяння актыўных формаў кіслароду ў рэалізацыі эфектаў фотабіястымуляцыі нізкаінтэнсіўным лазерным выпраменьваннем рэпрадуктыўнай функцыі жывёл.

2. Аўтарскі калектыў Інстытута біяарганічнай хіміі НАН Беларусі і Аб’яднанага інстытута праблем інфарматыкі НАН Беларусі — за ідэнтыфікацыю метадамі камп’ютарнага скрынінгу і малекулярнага мадэлявання патэнцыйных інгібітараў каранавірусу SARS-CoV-2.

3. Калектыў навукоўцаў Інстытута цепла- і масаабмену НАН — за распрацоўку і прымяненне механахімічнага нанамадыфікавання шматфункцыянальных кампазіцыйных пакрыццяў кампанентаў мікратэхнікі.

4. Аўтарскі калектыў Аб’яднанага інстытута машынабудавання і Інстытута механікі металапалімерных сістэм НАН — за стварэнне інфармацыйных мадэляў — лічбавых двайнікоў гідра- і электрамеханічных прывадаў для праектавання і маніторынгу транспартных машын новага пакалення.

5. Навукоўцы Інстытута біяарганічнай хіміі НАН Беларусі — за выяўленне феномену паскарэння фосфаролізу нуклеазідаў шляхам імабілізацыі ферментных субстратаў на аніёнаабменніках, як асновы для высокаэфектыўнага сінтэзу проціпухлінных прэпаратаў.

6. Какарэка Сяргей Вітальевіч, загадчык лабараторыі трансгранічнага забруджвання Інстытута прыродакарыстання НАН Беларусі, доктар тэхнічных навук, прафесар — за колькаснае мадэляванне распаўсюджвання аэразольна-газавых прымесяў у атмасферы Беларускай антарктычнай станцыі і выяўленне тэндэнцый іх змянення за трыццацігадовы перыяд.

7. Аўтарскі калектыў Інстытута мікрабіялогіі НАН Беларусі — за стварэнне рэкамбінантных штамаў бактэрый — прадуцэнтаў чалавечага бялку, як асновы стварэння біяпрэпаратаў новага пакалення;

8. Навукоўцы НПЦ НАН Беларусі па біярэсурсах — за вызначэнне ступені матэматычнай значнасці велічынь рызык пранікнення і распаўсюджвання чужародных відаў водных беспазваночных на тэрыторыі Беларусі.

9. Калектыў Інстытута біяхіміі біялагічна актыўных злучэнняў НАН Беларусі і Гродзенскага дзяржаўнага ўніверсітэта імя Я. Купалы — за распрацоўку біямедыцынскай тэхналогіі аднаўлення клетак печані на аснове комплексу фізіялагічна актыўных злучэнняў, якія валодаюць высокай анціаксідантнай і супрацьзапаленчай актыўнасцю.

10. Вучоныя-аграрыі НПЦ НАН Беларусі па земляробстве — за стварэнне гетэрозісных гібрыдаў азімага жыта на аснове сістэмы цытаплазматычнай стэрыльнасці як асновы павышэння генетычнага патэнцыялу.

Узнагароджанне пераможцаў адбудзецца ў рамках святкавання Дня беларускай навукі ў канцы студзеня.

Надзея НІКАЛАЕВА

Выбар рэдакцыі

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.

Грамадства

«Беларусь у маіх вачах». Блогер Паліна Амяльянчык адкрывае цікавыя факты з гісторыі роднага краю

«Беларусь у маіх вачах». Блогер Паліна Амяльянчык адкрывае цікавыя факты з гісторыі роднага краю

Акрамя фотаздымкаў храмаў і руін былых сядзіб, практычна кожны пост Паліны суправаджаецца яркімі біяграфіямі землякоў. 

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі.