Вы тут

Першае дзіця ў Гродзенскай вобласці нарадзілася ў Астраўцы, і гэта хлопчык


Такі падарунак сабе, мужу і старэйшай дачцэ 1 студзеня зрабіла вясковая жыхарка з Альхоўкі Дзіяна Базюк.


Малога назвалі Ягор. Непасрэдна ў цэнтральнай раённай клінічнай бальніцы прайшла і ўрачыстая рэгістрацыя новага грамадзяніна нашай краіны. Жанчыну і нованароджанага з гэтай нагоды прыехалі павіншаваць раённае кіраўніцтва выканаўчай улады і грамадскай арганізацыі БСЖ.

— Тэрмін родаў мне ставілі на 5 студзеня, але ў 10 гадзін вечара 31 снежня прыйшлося ехаць у бальніцу, — кажа Дзіяна. — А ў 2:35 на свет з’явіўся сын. У новай бальніцы я ў першы раз. Усё падабаецца — медперсанал вельмі ўважлівы і да парадзіх, і да дзетак.

А вось Ірына Барысенка другое дзіця нарадзіла вечарам 31 снежня — яе хлопчык стаў 278 дзіцём, якое нарадзілася ў Астравецкім раёне ў 2020 годзе.

— У Астравец мы пераехалі з Віцебскай вобласці, я вельмі перажывала, як усё пройдзе. Але роды прайшлі вельмі добра, парадавала новае, прыгожае аддзяленне, уважлівыя лекары і медсёстры — хочацца вярнуцца сюды яшчэ.

Неабходны каментар

Святлана НІКАЛАЕНКА, раённы акушэр-гінеколаг:

— Астравец — горад маладых, і мы спадзяваліся, што калі-небудзь у нас народзіцца першае дзіця ў вобласці. Нараджальнасць у 2020-м павялічылася — і ёсць надзея, што колькасць жыхароў будзе расці. Прыемна бачыць мам з каляскамі або цяжарных жанчын — сёння ў Астраўцы гэта не рэдкасць. Умовы ў бальніцы добрыя. Кожная палата разлічана на 1–2 чалавекі і абсталявана санвузлом і душавой кабінкай. Штогод да нас на працу прыязджаюць маладыя спецыялісты, яны добра падрыхтаваныя — і нам могуць пазайздросціць іншыя раёны.

Выбар рэдакцыі

Грамадства

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Якой сёння павінна быць маладзёжная газета? Пра што і як размаўляць з моладдзю?

Грамадства

«Верагоднасць угадвання на ЦТ зніжаецца»

«Верагоднасць угадвання на ЦТ зніжаецца»

15 новых спецыяльнасцяў, у тым ліку чатыры абсалютна новыя, па якіх падрыхтоўка раней нідзе не вялася, адкрыюцца сёлета ў беларускіх ВНУ.

Грамадства

Стаўка на веды. У што верылі хлопцы і дзяўчаты 1920—30-х гадоў?

Стаўка на веды. У што верылі хлопцы і дзяўчаты 1920—30-х гадоў?

Якую ролю адыграла моладзь у эканамічным і культурным жыцці краіны.