Вы тут

Да канца тыдня пахаладае да мінус 10


Амаль традыцыйна (і адначасова анамальна) у пачатку другога месяца зімы да нас прынесла цёплую порцыю вільготнага паветра. А таму пачатак новага года быў на 2-6 градусаў цяплей за кліматычную норму. Ападкі прынёс буйны цыклон «Кіра», якія ў паўднёвых раёнах краіны выпадалі ў асноўным у выглядзе дажджу, у той час як па поўначы адзначаўся мокры снег. На раніцу 4 студзеня снежнае покрыва назіраецца ў асноўным па поўначы краіны, дзе яго вышыня вагалася ад 1 да 18 сантыметраў.


А да канца першай дэкады студзеня ападкі будуць у асноўным у выглядзе снегу і мокрага снегу, а ўначы стане істотна падмарожваць, паведамляюць спецыялісты Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Сёння ўдзень пад уплывам атмасферных франтоў, пераважна па захадзе краіны, пройдуць ападкі ў выглядзе дажджу і мокрага снегу. У цёплай і вільготнай паветранай масе ў многіх раёнах будуць згушчацца туманы, якія пагаршаюць бачнасць да 100—500 метраў. Месцамі чакаецца слабы галалёд, на дарогах галалёдзіца. Вецер прагназуецца заходні ўмераны, удзень у асобных раёнах парывісты. Тэмпература паветра на працягу сутак складзе ад мінус 1 да плюс 5 градусаў.

На наступны дзень, у сераду, з тэрыторыі Украіны да нас прынясе раздзелы, якія абумовяць уначы месцамі, а раніцай і ўдзень на большай частцы тэрыторыі Беларусі кароткачасовыя ападкі ў выглядзе мокрага снегу і дажджу. У асобных раёнах чакаюцца туман, галалёд, на дарогах галалёдзіца. Вецер прагназуецца заходні, паўднёва-заходні ўмераны, уначы парывісты. Тэмпература паветра ўначы складзе ад мінус 5 градусаў да 2 цяпла, удзень будзе ад мінус 3 да плюс 4 градусаў.

Не прагназуецца істотны мароз і на Каляды 7 студзеня. У чацвер уначы на большай частцы тэрыторыі, а ўдзень месцамі па краіне пройдуць кароткачасовыя ападкі ў выглядзе мокрага снегу і дажджу. У асобных раёнах чакаюцца слабыя туман і галалёд, на дарогах галалёдзіца. Вецер прагназуецца ўсходні ўмераны. Тэмпература паветра ўначы складзе ад мінус 6 да плюс 1, удзень — ад 3 марозу да 3 градусаў цяпла.

Паводле папярэдніх прагнозаў айчынных сіноптыкаў, у канцы тыдня напрамак ветру зменіцца на паўночна-ўсходні, тэмпературны фон пачне паніжацца. Будуць пераважаць снег і мокры снег, толькі ў паўднёвых раёнах пры слабастаноўчых тэмпературах яшчэ будзе адзначацца мокры снег з дажджом.

У пятніцу і суботу на большай частцы тэрыторыі краіны пройдуць ападкі ў выглядзе паўнавартаснага снегу, мокрага снегу, а па поўдні — мокрага снегу з дажджом. У асобных раёнах чакаюцца слабы туман, галалёд, на дарогах галалёдзіца. Тэмпература паветра ўначы складзе ад мінус 6 да плюс 1 градуса, месцамі да 8 марозу. Удзень будзе ад мінус 4 градусаў да 3 цяпла. Чакаецца, што ў нядзелю стане яшчэ халадней. У гэты дзень месцамі па краіне пройдуць выключна кароткачасовы снег і мокры снег. У асобных раёнах чакаюцца слабы туман, галалёд, на дарогах галалёдзіца. Тэмпература паветра ўначы складзе ад мінус 1 па поўдні да мінус 10 градусаў па поўначы, удзень будзе ад нуля да 7 градусаў марозу. Зіма, аднак...

Сяргей КУРКАЧ

Выбар рэдакцыі

Грамадства

Што рабіць нашым хатнім гадаванцам, у якіх таксама бываюць дэпрэсіі?

Што рабіць нашым хатнім гадаванцам, у якіх таксама бываюць дэпрэсіі?

Адказ на гэтыя і іншыя пытанні ведае наша гераіня.

Грамадства

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Якой сёння павінна быць маладзёжная газета? Пра што і як размаўляць з моладдзю?

Грамадства

«Верагоднасць угадвання на ЦТ зніжаецца»

«Верагоднасць угадвання на ЦТ зніжаецца»

15 новых спецыяльнасцяў, у тым ліку чатыры абсалютна новыя, па якіх падрыхтоўка раней нідзе не вялася, адкрыюцца сёлета ў беларускіх ВНУ.