Вы тут

Больш за 3 тысячы падарункаў для дзяцей Гомельшчыны падрыхтаваў Чырвоны Крыж


Гомельская абласная арганізацыя Беларускага таварыства Чырвонага Крыжа ў рамках рэспубліканскай навагодняй акцыі «Нашы дзеці» правяла дабрачынны ранішнік для больш чым 200 маленькіх жыхароў рэгіёну.


Святочнае мерапрыемства прайшло ў Гомельскім тэатры лялек. Запрашэнне на прадстаўленне атрымалі дзеці з абмежаванымі магчымасцямі,  шматдзетныя, малазабяспечаныя, апякунскія сем’і, а таксама тыя, хто трапіў у няпростую жыццёвую сітуацыю. Прыехалі дзеці з Гомельскага, Буда-Кашалёўскага, Добрушскага, Веткаўскага, Рэчыцкага раёнаў і Гомеля. Удзельнікаў святочнага мерапрыемства прывітала член Савета Рэспублікі, старшыня Гомельскай абласной арганізацыі БТЧК Ала Смаляк. Яна павіншавала ўсіх са святамі, пажадала моцнага здароўя, выдатнай вучобы і новых поспехаў.

— У Гомельскай вобласці каля 3 тысяч хлопчыкаў і дзяўчынак атрымаюць навагоднія падарункі ад Чырвонага Крыжа. Гэта прысмакі, цацкі, адзенне, абутак і многае іншае. Дзеці напісалі свае пажаданні Дзеду Марозу, і многае споўнілася. Бо Новы год — час цудаў, — адзначыла Ала Смаляк і звярнула ўвагу на тое, што многія дзеці ў сваіх навагодніх пажаданнях прасілі, каб бацькі не хварэлі, каб у сем’ях панаваў лад.

Старшыня абласной арганізацыі БТЧК падзякавала ўсіх спонсараў за дапамогу ў падрыхтоўцы падарункаў, а тэатр лялек — за падораную хлопчыкам і дзяўчынкам казку.

Наталля КАПРЫЛЕНКА

Фота аўтара

Выбар рэдакцыі

Грамадства

Сям’я — з васемнаццаці «Я». Як характары, нязломленыя лёсам, склаліся ў моцную каманду

Сям’я — з васемнаццаці «Я». Як характары, нязломленыя лёсам, склаліся ў моцную каманду

Як характары, нязломленыя лёсам, склаліся ў моцную каманду дарагіх адзін аднаму людзей.

Калейдаскоп

Усходні гараскоп на тыдзень

Усходні гараскоп на тыдзень

ЛЕЎ. У вашым жыцці надыходзіць добры перыяд, можна нават сказаць, новы этап.