Вы тут

Урад зацвердзіў новыя цэны на газ і тарыфы на электрычнасць


Урад устанавіў новыя цэны на газ, тарыфы на электрычную і цеплавую энергію. Адпаведная пастанова Савета Міністраў ад 31 снежня 2020 года нумар 795 афіцыйна апублікавана сёння на Нацыянальным прававым інтэрнэт-партале, паведамляе БелТА.


ca-irnews.com

Прыродны газ

Вызначана цана на газ, які выкарыстоўваецца з устаноўленымі прыборамі індывідуальнага ўліку расходу газу. Пры наяўнасці індывідуальных газавых абагравальных прыбораў яна складзе ў ацяпляльны перыяд з 1 студзеня па 31 мая ўключна — Br0,1366 за кубаметр, з 1 чэрвеня па 31 снежня ўключна — Br0,1406. У летні перыяд газ будзе каштаваць Br0,4840 за кубаметр. Пры адсутнасці індывідуальных газавых прыбораў цана складзе Br0,4840 за кубаметр незалежна ад сезона.

Калі ў доме або кватэры не выкарыстоўваюцца прыборы індывідуальнага ўліку расходу газу, але ёсць газавая пліта і цэнтралізаванае гарачае водазабеспячэнне або індывідуальны воданагравальнік (за выключэннем газавага), цана складзе Br3,87 з аднаго пражываючага ў месяц. Цана на газ у жыллі, дзе ёсць газавая пліта і індывідуальны газавы воданагравальнік, але няма цэнтралізаванага гарачага водазабеспячэння, будзе Br11,13 з аднаго пражываючага. У кватэрах і дамах, дзе ёсць газавая пліта, але няма цэнтралізаванага гарачага водазабеспячэння і індывідуальнага газавага воданагравальніка, газ будзе каштаваць Br6,29 для аднаго пражываючага ў месяц.

У жыллі, дзе ёсць індывідуальныя газавыя абагравальныя прыборы (і няма прыбораў індывідуальнага ўліку расходу газу), у ацяпляльны перыяд з 1 студзеня па 31 мая давядзецца плаціць Br0,5936 за 1 кв.м агульнай плошчы жылога памяшкання ў месяц, з 1 чэрвеня па 31 снежня — Br0,6312. У летні перыяд устаноўлены наступныя цэны: з 1 студзеня па 31 мая — Br0,2226, з 1 чэрвеня па 31 снежня — Br0,2367.

Звадкаваны газ

irna.ir

Кубаметр звадкаванага газу ў кватэрах і дамах з устаноўленымі прыборамі індывідуальнага ўліку расходу газу і індывідуальнымі газавымі абагравальнымі прыборамі будзе каштаваць у ацяпляльны сезон з 1 студзеня па 31 мая Br2,1884, з 1 чэрвеня па 31 снежня Br2,3142. У летні перыяд цана будзе Br1,3107. Пры адсутнасці індывідуальных газавых абагравальных прыбораў 1 куб.м таксама будзе каштаваць Br1,3107.

Калі ў доме або кватэры не выкарыстоўваюцца прыборы індывідуальнага ўліку расходу газу, але ёсць газавая пліта і цэнтралізаванае гарачае водазабеспячэнне або індывідуальны воданагравальнік (за выключэннем газавага), цана звадкаванага газу складзе Br3,93 з аднаго пражываючага ў месяц. Пры наяўнасці газавай пліты і газавага воданагравальніка і адсутнасці цэнтральнага гарачага водазабеспячэння ён будзе каштаваць Br11,14. Пры наяўнасці газавай пліты, адсутнасці цэнтралізаванага гарачага водазабеспячэння і газавага воданагравальніка — Br5,24 з аднаго пражываючага ў месяц.

Цана на звадкаваны газ у жыллі, дзе ёсць індывідуальныя газавыя абагравальныя прыборы (і няма прыбораў індывідуальнага ўліку расходу газу) у ацяпляльны сезон складзе: з 1 студзеня па 31 мая ўключна — Br7,0314 за 1 кв.м агульнай плошчы жылога памяшкання ў месяц, з 1 чэрвеня па 31 снежня ўключна — Br7,4757. У летні перыяд яна будзе Br1,3107.

Газ у балонах

Цана 1 кг газу ў балонах вагой 21 кг у межах норм спажывання складзе Br0,93. Такім чынам, такі балон будзе каштаваць Br19,50.

Электраэнергія

vedtver.ru

Аднаставачны тарыф на электраэнергію ў жылых дамах і кватэрах, дзе ёсць электрапліты, складзе Br0,1778 за 1 кВт.гадз

Дыферэнцыраваны тарыф па двух часавых перыядах у такіх жылых памяшканнях у перыяд мінімальных нагрузак (з 22.00 да 17.00) — Br0,1245 за 1 кВт.гадз, а ў перыяд максімальных нагрузак (з 17.00 да 22.00) — Br0,3556.

Павышаецца таксама дыферэнцыраваны тарыф па трох часавых перыядах. У перыяд мінімальных нагрузак (з 23.00 да 6.00) ён складзе Br0,1067 за 1 кВт.гадз, максімальных нагрузак (з 17.00 да 23.00) — Br0,3200, у астатні час сутак — Br0,1245.

Кошт электрычнай энергіі для патрэб ацяплення і гарачага водазабеспячэння з далучанай магутнасцю абсталявання больш за 5 кВт у перыяд мінімальных нагрузак (з 23.00 да 6.00) складзе Br0,1220 за 1 кВт.гадз, у астатні час сутак — Br0,2266.

Электраэнергія ў тым ліку для ацяплення, гарачага водазабеспячэння ў жылых дамах і кватэрах, не абсталяваных сістэмамі цэнтралізаванага цепла- і газазабеспячэння, дзе ёсць электрапліты, але адсутнічаюць прыборы індывідуальнага ўліку з 1 студзеня па 31 мая ўключна па аднаставачным тарыфе будзе каштаваць Br0,0894 за 1 кВт.гадз. Дыферэнцыраваны тарыф па двух часавых перыядах у такіх жылых памяшканнях у перыяд мінімальных нагрузак (з 23.00 да 6.00) складзе Br0,0626 за 1 кВт.гадз, у астатні час сутак — Br0,1162. З 1 чэрвеня па 31 снежня ўключна аднаставачны тарыф складзе Br0,0909 за 1 кВт.гадз, а дыферэнцыраваны тарыф па двух часавых перыядах: мінімальных нагрузак (з 23.00 да 6.00) Br0,0636 за 1 кВт.гадз, у астатні час сутак — Br0,1182 за 1 кВт.гадз.

Электрычная энергія для ацяплення і гарачага водазабеспячэння ў жылых памяшканнях, не абсталяваных сістэмамі цэнтралізаванага цепла- і газазабеспячэння, але пры наяўнасці прыбора індывідуальнага ўліку расходу электраэнергіі з 1 студзеня па 31 мая ўключна будзе каштаваць Br0,0374 за 1 кВт.гадз, з 1 чэрвеня па 31 снежня ўключна — Br0,0398 за 1 кВт.гадз.

У астатніх выпадках аднаставачны тарыф на электраэнергію складзе Br0,2092 за 1 кВт.гадз. Дыферэнцыраваны тарыф па часавых перыядах мінімальных нагрузак (з 22.00 да 17.00) — Br0,1464 за 1 кВт.гадз, а ў перыяд максімальных нагрузак (з 17.00 да 22.00) — Br0,4184. Павышаецца таксама тарыф па трох часавых перыядах. У перыяд мінімальных нагрузак (з 23.00 да 6.00) ён складзе Br0,1255, у перыяд максімальных нагрузак (з 17.00 да 23.00) — Br0,3766, а ў астатні час сутак — Br0,1464.

Што датычыцца тарыфаў на камунальныя паслугі, якія забяспечваюць поўнае пакрыццё эканамічна абгрунтаваных затрат на іх аказанне, то яны складуць: за 1 Гкал цеплавой энергіі для патрэб ацяплення і гарачага водазабеспячэння — Br107,31; за 1 куб.м прыроднага газу, які выкарыстоўваецца з устаноўленымі прыборамі індывідуальнага ўліку расходу газу, — Br0,5082. За 1 куб.м прыроднага газу, што выкарыстоўваецца без прыбораў індывідуальнага ўліку расходу газу, але пры наяўнасці газавай пліты і цэнтралізаванага гарачага водазабеспячэння або індывідуальнага воданагравальніка, тарыф складзе Br4,07 з аднаго пражываючага ў месяц, Br11,69 — пры наяўнасці газавай пліты і індывідуальнага газавага воданагравальніка (пры адсутнасці цэнтралізаванага гарачага водазабеспячэння), Br6,61 — пры наяўнасці газавай пліты і адсутнасці цэнтралізаванага гарачага водазабеспячэння і індывідуальнага газавага воданагравальніка. Пры наяўнасці індывідуальных газавых абагравальных прыбораў кошт прыроднага газу ў ацяпляльны перыяд будзе Br4,07 за 1 кв.м агульнай плошчы жылога памяшкання ў месяц, у летні перыяд — Br1,52.

За 1 кВт.гадз электраэнергіі аднаставачны тарыф складзе Br0,23, дыферэнцыраваны тарыф па двух часавых перыядах у час мінімальных нагрузак (з 22.00 да 17.00) — Br0,161, максімальных нагрузак (з 17.00 да 22.00) — Br0,46. Зменіцца і дыферэнцыраваны тарыф па трох часавых перыядах. Так, у перыяд мінімальных нагрузак (з 23.00 да 6.00) ён складзе Br0,138, максімальных нагрузак (з 17.00 да 23.00) — Br0,414, а астатні час сутак — Br0,161 за 1 кВт.гадз.

Пастанова ўступае ў сілу з 1 студзеня 2021 года.

Выбар рэдакцыі

Грамадства

Жанчыны на вайне. У музеі гісторыі Вялікай Айчыннай вайны захоўваюцца экспанаты і дакументы, якія распавядаюць пра лёсы жанчын

Жанчыны на вайне. У музеі гісторыі Вялікай Айчыннай вайны захоўваюцца экспанаты і дакументы, якія распавядаюць пра лёсы жанчын

У Беларускім дзяржаўным музеі гісторыі Вялікай Айчыннай вайны захоўваюцца экспанаты і дакументы, якія распавядаюць пра лёсы жанчын на вайне

Калейдаскоп

Тэст. Блізка да зор: беларусы і космас

Тэст. Блізка да зор: беларусы і космас

12 красавіка спаўняецца 60 гадоў першаму палёту чалавека ў космас.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні давядзецца сабрацца — ад вас спатрэбяцца стойкасць і цярпенне.