Вы тут

У Віцебску прайшоў вечар беларускага нацыянальнага мастацтва «Прыйшла Каляда — адчыняй варата!»


Ансамбль танца музыкі і песні «Талака» у Віцебскай абласной філармоніі прапанаваў гледачам цікавы экскурс у мінулае. Музыканты, танцоры і выканаўцы песняў здзіўлялі гледачоў больш за гадзіну.


Паганскія абрады, сплеценыя з хрысціянскімі традыцыямі, ярка і вобразна раскрываюць дух беларусаў. Выступленні «Талакі» ўжо сталі адной з візітовак культуры не толькі Прыдзвінскага краю, але і ўсёй краіны.

Цудоўныя касцюмы і дэкарацыі, народныя гульні і аўтарская музыка, навеяная фальклорнымі матывамі... Гэты цуд мастацтва нікога не пакідае раўнадушнымі. На сцэне філармоніі разгарнулася сапраўднае зімовае этнаграфічнае свята.

«Талака» радуе публіку, пачынаючы з 1993 года, калі харэограф Мікалай Падаляк сабраў у філармоніі калектыў аднадумцаў, якіх аб’ядноўвала любоў да беларускага фальклору.

І з таго часу ансамбль знаёміць слухачоў з лепшымі ўзорамі і малавядомымі жамчужынамі музычнай спадчыны Беларусі, надаючы ім арыгінальнасць і непаўторнае гучанне.

У аснове харэаграфічнай праграмы ансамбля — народна-сцэнічныя танцы рэгіёнаў Беларусі, розныя па сваім традыцыям, малюнку, манеры выканання, каларыту касцюмаў («Бабылі», «Кола», «Закаблукі», «Баравенічкі» і многія іншыя).

У рэпертуары інструментальнай групы — агульнабеларускі і рэгіянальны фальклор, музыка народаў свету: руская, украінская, цыганская, іспанская.

Мастацкі кіраўнік, заслужаны дзеяч мастацтваў Рэспублікі Беларусь Мікалай Падаляк і іншыя «талакоўцы» шмат разоў знаёмілі жыхароў іншых краін з беларускай культурай.

Калектыву апладзіравалі ў Германіі, Польшчы, Іспаніі, Партугаліі, Андоры, Францыі, Балгарыі, Малдове, Літве, Латвіі, Расіі.

Ансамбль быў прызнаны годным прадстаўляць рэгіён на Сусветнай выставе «ЭКСПА — 2015»... У 2016 годзе віцебскія артысты выступілі ў Парыжы і Ліёне. А ў 2017-м было гастрольнае турнэ па Іспаніі, якое доўжылася больш за месяц.

Аляксандр ПУКШАНСКІ

Фота аўтара

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.